రవితేజ సినిమాలో ఆ పాత్రలో కనిపించనున్న రేణుదేశాయ్!

Ravi Teja:టాలీవుడ్ ప్రేక్షకులకు రేణుదేశాయ్ గురించి ప్రత్యేకించి పరిచయం అక్కర్లేదు. బద్రి, జానీ వంటి చిత్రాలలో నటించి ప్రేక్షకులను ఎంతో ఆకట్టుకుంది. ఈ క్రమంలోనే పవర్ స్టార్ పవన్ కళ్యాణ్ తో ప్రేమలో పడి ప్రేమ వివాహం చేసుకుంది. ఇక వీరిరువురి విడాకుల సంగతి మనకు తెలిసిందే. ఇక రేణు కాస్ట్యూమ్ డిజైనర్ గా ఇండస్ట్రీలో మంచి గుర్తింపు తెచ్చుకుంది.

ఇదిలా ఉంటే రేణు.. రవితేజ సినిమాలో నటిస్తున్నట్లు వార్తలు చక్కర్లు కొడుతున్నాయి. ప్రస్తుతం రవితేజ ‘టైగర్ నాగేశ్వరావు’ చిత్రంలో బిజీగా ఉన్నాడు. ఈ సినిమాకు వంశీకృష్ణ దర్శకత్వం వహిస్తున్నాడు. ఇక ఇందులో రేణు దేశాయ్ మెయిన్ రోల్ చేస్తున్నట్టు తెలుస్తుంది. ఈ చిత్రాన్ని పాన్ ఇండియా స్థాయిలో ప్రేక్షకుల ముందుకు తీసుకురాబోతున్నారు.

అయితే ఇందులో రవితేజకు సోదరి పాత్రలో రేణు దేశాయ్ కనిపించబోతున్నట్లు తెలుస్తోంది. ఇప్పటికే ఆ పాత్ర గురించి రేణు తో చర్చలు జరిగినట్లు వార్తలు తెలుస్తున్నాయి. మొత్తానికి ఎంతోకాలం తర్వాత రేణు దేశాయ్ వెండితెరపై మళ్లీ రీ ఎంట్రీ ఇవ్వనున్నట్లు అర్థం అవుతుంది.

ఇక రవితేజకు సోదరి పాత్రలో ఎలా మెప్పిస్తుందో చూడాలి. ఇక రేణు దేశాయ్ గతంలో ఓ షోలో జడ్జిగా బాధ్యతలు చేపట్టిన సంగతి తెలిసిందే. ప్రస్తుతం సోషల్ మీడియా ద్వారా తన అభిమానులతో బాగా టచ్ లో ఉంటుంది. ఇక తనకు సంబంధించిన విషయాలను కూడా తన ఫాలోవర్స్ తో బాగా షేర్ చేసుకుంటుంది రేణుదేశాయ్.