అలా వాడటం మంచిది కాదని ఆ నిర్ణయం తీసుకున్న నటుడు నరేష్!

Naresh: టాలీవుడ్ ప్రేక్షకులకు సీనియర్ నటుడు నరేష్ గురించి ప్రత్యేకించి పరిచయం అక్కర్లేదు. ప్రముఖ నటి, దర్శకురాలు విజయనిర్మల కొడుకు అన్న సంగతి మనకు తెలిసిందే. బాల నటుడుగా తెలుగు తెరకు పరిచయం అయినా నరేష్.. హీరోగా, క్యారెక్టర్ ఆర్టిస్ట్ గా తనకంటూ ఓ ప్రత్యేక గుర్తింపు తెచ్చుకున్నాడు. కేవలం సినీ రంగంలోనే కాకుండా రాజకీయంగా కూడా బాధ్యతలు చేపట్టాడు.

ఇదిలా ఉంటే ప్రస్తుతం క్యారెక్టర్ ఆర్టిస్ట్ గా దూసుకుపోతున్న నరేష్ ఇంట్లో కంటే ఎక్కువ కాలం సెట్స్ లోనే గడుపుతాడు. ఇక ప్రస్తుతం కరోనా పరిస్థితులలో ఇతర నటులు వాడిన కారవ్యాన్ వాడడం అంత మంచిది కాదు అని ఆలోచించిన నరేష్.. తన కోసం ప్రత్యేకంగా ఒక కారవ్యాన్ కొనుగోలు చేసాడు.

తనకు కావాల్సిన సదుపాయాలను అందులో ఉండే విధంగా ఏర్పాటు చేసుకున్నాడు. అందులో ఏసి బెడ్, మేకప్ జోన్, వెయిటింగ్ రూమ్, వాష్ రూమ్, జిమ్ తో సహా అన్ని ఏర్పాటు చేసుకున్నాడు. దీనికోసం నరేష్ బాగానే ఖర్చు చేశారని తెలుస్తుంది. నిజానికి ఈ కారవ్యాన్ టాలీవుడ్ ఇండస్ట్రీలో ఏ క్యారెక్టర్ ఆర్టిస్ట్ కి కూడా లేదట.

ఇక గతంలో ఈ కారవ్యాన్ ని స్టార్ హీరోలు, హీరోయిన్లు మాత్రమే ఉపయోగించేవారట. ఎవరో పెద్దపెద్ద సీనియర్ క్యారెక్టర్ ఆర్టిస్ట్ లు మాత్రమే ఈ కారవ్యాన్ ను ఉపయోగించేవారట. మరి అటువంటి ఈ వ్యాన్ ని నరేష్ ఉపయోగించడం చెప్పుకోదగ్గ విషయమే.