ప్రాణాలు పణంగా పెట్టి చిన్నారిని కాపాడిన జవాను.. వైరల్ వీడియో!

సెంట్రల్​ ఇండస్ట్రియల్​ సెక్యురిటీ ఫోర్స్ కు చెందిన ఓ జవాను బాలికను కాపాడేందుకు తన ప్రాణాలను పణంగా పెట్టాడు. ఎంతో సురక్షితంగా ఆ పాపను రక్షించి వారి తల్లిదండ్రులకు అప్పగించాడు. కాలు జారినా కింద పడేలా ఉండే ఆ ప్రాంతంలో ఒక చేతితో పాపను మోస్తూ… మరో చేతితో బరువును ఆపుకుంటూ వచ్చారు. ఏ మాత్రం కాలు జారినా కానీ ప్రమాదం జరిగేలా ఉండే దగ్గర తన దైన శైలిలో ముందుకు సాగి పాపను రక్షించాడు. ప్రస్తుతం ఇందుకు సంబంధించిన వీడియో సామాజిక మాధ్యమాల్లో వైరల్​ గా మారింది.

పాపకు ఎలాంటి హానీ జరగకుండా చిన్నగా అడుగులో అడుగు వేసుకుంటూ వచ్చాడు ఆ జవాను. ఈ ఘటన ఢిల్లీలోని నిర్మాణ్ విహార్ మెట్రో స్టేష‌న్‌ లో జరిగింది. ఆదివారం సాయంత్రం ఓ పాప అక్కడే ఉండి ఆడుకుంటూ ఉంది. అయితే మెట్రోస్టేషనల్​ లో ఉండే ఓ నిషేధిత ప్రాంతంలోకి పాప వెళ్లిపోయింది. అనుకోకుండా అక్కడ చిక్కుకున్న పాపను అక్కడున్న వారు కొందరు చూసారు. ఈ క్రమంలోనే ఆమెను రక్షించేందుకు ప్రయత్నించారు. కానీ అవ్వలేదు. పక్కన ఉన్న సెక్యురిటీ సిబ్బందికి విషయం తెలియజేయగా.. సెంట్రల్​ ఇండస్ట్రియల్​ సెక్యురిటీ ఫోర్స్ కు చెందిన ఓ జవాను రంగంలోకి దిగాడు. పాపను కచ్చితంగా సదరు తల్లిదండ్రులకు అప్పగించాని కకణం కట్టుకున్నాడు. పాపను ఎక్కడకీ కదలకుండా ఉండాలని సూచించాడు. అలానే పక్కన ఉన్న కమ్ములను పట్టుకుని జాగ్రత్తగా పాపను కాపాడి వారి తల్లిదండ్రులకు అందించాడు.

సెంట్రల్​ ఇండస్ట్రియల్​ సెక్యురిటీ ఫోర్స్ కు చెందిన జవాను చేసిన ఆ పనిని అక్కడ ఉన్న వారందరూ మెచ్చుకున్నారు. అంతేగాకుండా కొంతమంది జవాన్ పాపను కాపాడే వీడియోను కవర్ చేశారు. అయితే ఆ విజువల్స్ ఇప్పుడు సామాజిక మాధ్యమాల్లో వైరల్ గా మారాయి.