హైలెట్ గా మారనున్న శ్రీనివాస్ రెడ్డి, చమ్మక్ చంద్ర ట్రాక్!
పేపర్ బాయ్ సినిమాతో ప్రేక్షకులను ఆకట్టుకున్న డైరెక్టర్ జయశంకర్ మరో సినిమాతో ప్రేక్షకుల ముందుకు రానున్నాడు. ఈ సినిమా డిఫరెంట్ కాన్సెప్ట్ తో రూపొందుతుంది. ఆర్ వి సినిమాస్ బ్యానర్ పై ఆర్ వి రెడ్డి, శేషు మారంరెడ్డి ఈ సినిమాను నిర్మిస్తున్నారు. ఇందులో అనసూయ భరద్వాజ్ కీలక పాత్రలో నటిస్తోంది. అనుప్ రుబెన్స్ ఈ సినిమాకు సంగీతాన్ని అందిస్తున్నాడు.
ఇందులో చమ్మక్ చంద్ర, శ్రీనివాస్ రెడ్డి, వైవా హర్ష, సాయి కుమార్ తదితరులు నటిస్తున్నారు. ఇక ఈ సినిమా ప్రస్తుతం 80 శాతం షూటింగ్ పూర్తి చేసుకుందని తెలుస్తుంది. ఇందులో శ్రీనివాస్ రెడ్డి, చమ్మక్ చంద్ర కు సంబంధించిన ట్రాక్ బాగా హైలైట్ అవుతాయని నిర్మాత శేషు మారంరెడ్డి తెలిపాడు. వీరిద్దరి మధ్య సన్నివేశాలు బాగా నవ్విస్తాయి అని అన్నాడు.
మొత్తానికి భారీ బడ్జెట్ తో నిర్మాతల ప్రోత్సాహంతో ఈ సినిమా అద్భుతంగా రూపొందిస్తున్నామని డైరెక్టర్ జయశంకర్ తెలిపాడు. ఈ సినిమాకు సంగీతం ప్లస్ అవుతుంది అని అన్నాడు. త్వరలోనే ఈ సినిమా టైటిల్ ను విడుదల చేస్తామని అంతేకాకుండా సినిమా విడుదల డేట్ ను కూడా ప్రకటిస్తామని అన్నాడు. వీరి మాటలను బట్టి చూస్తే ఈ సినిమా కామెడీ పరంగా మంచి ఎంటర్టైన్మెంట్ గా ప్రేక్షకుల ముందుకు రానున్నట్లు అర్థమవుతుంది. ఇందులో అనసూయ ఎలా మెప్పిస్తుందో చూడాలి.
About The Author
