డ్యాన్స్‌తో అదరగొట్టిన తమన్‌.. వైరల్‌ అవుతున్న వీడియో

సూపర్‌ స్టార్‌ మహేశ్ బాబు, కీర్తి సురేశ్‌ నటించిన జంటగా నటిస్తున్న ‘సర్కారు వారి పాట’ సినిమా నుంచి విడుదలైన కళావతి పాట ట్రెండ్‌ సృష్టిస్తున్న విషయం తెలిసిందే. ఈ పాట శ్రోతలను విశేషంగా ఆకట్టుకుంటోంది. ప్రస్తుతం ఈ పాట యూట్యూబ్‌ ట్రెండింగ్‌లో దూసుకెళ్తోంది. పలువురు సెలబ్రెటీలు సైతం ఈపాటకు కాలు కదపటంతో ఆ వీడియోలు కూడా నెట్టింట వైరల్‌ అవుతున్నాయి. సర్కారు వారి పాట’ సినిమాకు తమన్ సంగీతం అందించిన సంగతి తెలిసిందే. అలాగే శేఖర్ మాస్టర్ ‘కళావతి’ సాంగ్‌కు కొరియోగ్రఫి చేశారు.

https://twitter.com/MusicThaman/status/1496149215839457294?s=20&t=6QxLYX2Nsal3Tq1oDhuC1w

తాజాగా తమన్, కలిసి శేఖర్ మాస్టర్ ‘కళావతి’ సాంగ్‌కు స్టెప్పులేసి అలరించారు. తమన్ ఈ వీడియోను తన ఇన్‌స్టాగ్రామ్‌లో పోస్ట్ చేశాడు. ‘‘సిగ్గుతో నన్ను నేనే..’’ అంటూ శేఖర్ మాస్టర్‌కు థాంక్స్ చెప్పాడు. ప్రస్తుతం ఈ వీడియో వైరల్‌ అవుతోంది.

#KalaavathiChallenge పేరుతో ఈ పాట ఇప్పుడు వైరల్‌గా చక్కర్లు కొడుతోంది. ఇటీవల మహేష్ బాబు కూతురు సితార ఈ పాటకు తండ్రి స్టైల్ లో స్టెప్స్ వేసి ఆకట్టుకుంది. అంతేకాక.. #KalaavathiChallenge అంటూ అభిమానులకు ఓ ఛాలెంజ్ విసిరింది. ‘కళావతి’ పాటకు రీల్స్ చేసి షేర్ చేయాలని కోరింది. ఈ ఛాలెంజ్‌ను ‘సర్కారు వారి పాట’ హీరోయిన్ కీర్తి సురేష్ కూడా స్వీకరించింది. ‘కళావతి’ పాటకు డ్యాన్స్ చేస్తూ వీడియోను పోస్ట్ చేసింది. కాగా మైత్రి మూవీ మేకర్స్, 14 రీల్స్ ప్లస్, జి.మహేష్ బాబు ఎంటర్‌టైన్‌మెంట్ బ్యానర్స్ సంయుక్తంగా నిర్మిస్తున్నారు.  కమర్షియల్‌ ఎంటర్‌టైనర్‌గా రూపొందిన ఈ చిత్రం సమ్మర్‌ స్పెషల్‌ కానుకగా మే 12న ప్రేక్షకుల ముందుకు రానుంది.