క్రేజీ అప్‌డేట్‌ ఇచ్చిన విజయ్‌.. ఫ్యాన్స్‌ ఖుషీ

కోలీవుడ్ అగ్ర క‌థానాయ‌కుల్లో ఒక‌రైన విజ‌య్ హీరోగా న‌టిస్తోన్న చిత్రం ‘బీస్ట్‌’. ఇందులో పూజా హెగ్డే హీరోయిన్‌గా నటిస్తోంది. ‘డాక్టర్’తో తెలుగులోనూ మంచి విజయం అందుకున్న నెల్స‌న్ దిలీప్ కుమార్ ద‌ర్శ‌క‌త్వంలో ప్ర‌ముఖ నిర్మాణ సంస్థ స‌న్ పిక్చ‌ర్స్ ఈ చిత్రాన్ని నిర్మిస్తోంది. ‘బీస్ట్’ సినిమాలో తొలి పాట ‘అరబిక్ కుతు’ను ప్రేమికుల దినోత్సవం సందర్భంగా విడుదల చేశారు.

అరబిక్ స్టైల్ లో ఈ పాటను డిజైన్ చేశారు. ఈ పాటను హీరో శివ కార్తికేయన్ రాయడం విశేషం. అనిరుధ్ రవిచందర్ ఈ సినిమాకి మ్యూజిక్ అందించడంతో పాటు ఈ అరబిక్ కుతు సాంగ్ కూడా పాడారు. ఆయనతో పాటు జోనియా గాంధీ గొంతు కలిపింది. సాంగ్ బీట్ చూస్తుంటే రిపీట్ మోడ్‌లో వినేలా ఉంది. ఇక కచ్చితంగా యూట్యూబ్‌లో రికార్డులు సృష్టించడం ఖాయం.

#ArabicKuthu – #BeastFirstSingle is out now!

▶ https://t.co/C7YrT4fz35@actorvijay @Nelsondilpkumar @anirudhofficial @Siva_Kartikeyan @hegdepooja @jonitamusic @manojdft @Nirmalcuts #Beast

— Sun Pictures (@sunpictures) February 14, 2022

కొన్ని రోజుల ముందు స‌ద‌రు అర‌బిక్ కుత్తు సాంగ్‌కు సంబంధించిన విడుద‌ల చేసిన ఓ చిన్న వీడియోకు అమేజింగ్ రెస్పాన్స్ వ‌చ్చింది. అందులో అనిరుద్‌, డైరెక్ట‌ర్ నెల్స‌న్‌, శివ కార్తీకేయ‌న్ చేసిన హంగామా అంద‌రినీ మెప్పించింది. సినిమాల‌ను ఎంట‌ర్‌టైనింగ్‌గా తెర‌కెక్కించ‌డంలో డైరెక్ట‌ర్ నెల్స‌న్ దిలీప్ కుమార్‌కు ఓ ప్ర‌త్యేక‌త ఉంది. ఆయ‌న గ‌త చిత్రాలు కొల‌మావు కోకిల‌, డాక్ట‌ర్‌ల‌ను గ‌మ‌నిస్తే ఆ విష‌యం అర్థ‌మ‌వుతుంది. బీస్ట్ సినిమాను కూడా అభిమానుల‌కు కావాల్సిన క‌మ‌ర్షియ‌ల్ హంగులు మిక్స్ చేసి ఎంట‌ర్‌టైనింగ్‌గా తెర‌కెక్కించారు. ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఇప్పటికే ఈ సినిమా డిజిటల్ రైట్స్ అమ్ముడైపోయాయని సమాచారం. కాగా ఏప్రిల్ 14న బీస్ట్ విడుద‌ల‌వుతుంది. దీనికి సంబంధించిన అధికారిక ప్ర‌క‌ట‌న త‌ర్వ‌లోనే రానుంది.