విజయ్ దేవరకొండ – సమంత సినిమా షురూ..!

టాలీవుడ్‌లో మరో క్రేజీ కాంబో సెట్ అయ్యింది. విజయ్ దేవరకొండ హీరోగా సక్సెస్ ఫుల్ డైరెక్టర్ శివ నిర్వాణ సినిమా రూపొందిస్తున్నారు. ప్రతిష్టాత్మక నిర్మాణ సంస్థ మైత్రీ మూవీ మేకర్స్ తమ 19వ సినిమాగా ఈ చిత్రాన్ని నిర్మిస్తోంది. విజయ్ దేవరకొండ సరసన క్రేజీ హీరోయిన్ సమంత నాయికగా నటిస్తోంది. ఈ మూవీ షూటింగ్ ప్రారంభోత్సవ కార్యక్రమం గురువారం హైదరాబాద్‌లో వైభవంగా జరిగింది. ముహూర్తపు సన్నివేశానికి దర్శకుడు హరీశ్ శంకర్ క్లాప్ ఇవ్వగా.. ఉప్పెన దర్శకుడు బుచ్చిబాబు కెమెరా స్విచ్ఛాన్ చేశారు.

విజయ్‌ దేవరకొండ 11వ ప్రాజెక్ట్‌గా ఈ సినిమా సిద్ధం కానుంది. ఇప్పటికే సమంత, విజయ్.. ‘మహానటి’లో కలిసి నటించి మెప్పించారు. మనసుని హత్తుకునే ప్రేమకథతో ఫ్యామిలీ ఎంటర్‌టైనర్‌గా ఈ సినిమా రూపుదిద్దుకోనుందని, దీనికి ‘ఖుషి’ టైటిల్‌ పెట్టే అవకాశం ఉందని జోరుగా ప్రచారం సాగుతోంది. మైత్రి మూవీ మేకర్స్‌ పతాకంపై ఈ సినిమా నిర్మిస్తున్నారు.  ఈ నెలలో కశ్మీర్‌లో రెగ్యులర్ షూటింగ్ స్టార్ట్ చేస్తామని చిత్ర బృందం పేర్కొంది. ఆ తర్వాత విశాఖ, కేరళలోని అలెపీలో షూటింగ్ చేయనున్నారు. ఇందులో కశ్మీర్ యువతిగా సమంత నటించనున్నారని సమాచారం. అయితే… ఆ విషయాన్ని కన్ఫర్మ్ చేయలేదు.

https://twitter.com/TheDeverakonda/status/1517083290498637824?s=20&t=diDOaMU2Mn8SblTjTUF2_A

కాగా విజయ్‌ ప్రస్తుతం.. ‘లైగర్‌’ ప్రమోషన్స్‌, ‘జనగణమన’ షూట్‌లతో బిజీ బిజీగా ఉన్నారు. ఈ వర్క్‌లైఫ్‌ నుంచి కాస్త బ్రేక్‌ తీసుకున్న విజయ్.. పర్సనల్‌ లైఫ్‌ని ఎంజాయ్‌ చేయాలనే ఉద్దేశంతో ఫ్యామిలీతో కలిసిగతవారం యూరప్‌ టూర్‌కు వెళ్లారు. టూర్‌కు సంబంధించిన అప్‌డేట్‌లను సైతం ఆయన తరచూ సోషల్‌మీడియాలో షేర్‌ చేశారు. ఈ క్రమంలోనే వెకేషన్‌ పూర్తి చేసుకొని బుధవారం హైదరాబాద్‌లో ల్యాండ్‌ అయ్యారు.