అభిమానులకు వాలంటైన్స్‌ డే గిఫ్ట్‌ ఇచ్చిన ప్రభాస్‌..!

ప్రేమకథా చిత్రానికి సంబంధించిన అప్‌డెట్స్‌ ప్రేమికుల రోజు విడుదలైతే ఆ కిక్కే వేరే ఉంటుంది. చిత్ర యూనిట్‌కూడా ఆరోజు సినిమాకి సంబంధించిన అప్‌డేట్స్‌ ఇవ్వడానికి రెడీగా ఉంటారు. ఇక టాలీవుడ్‌లో మోస్ట్‌ వెయిటెడ్‌ లవ్‌స్టోరీ మూవీ రాధేశ్యామ్‌. అభిమానులంతా ఈ సినిమా అప్‌డేట్స్‌ కోసం వెయ్యి కళ్లతో వేచి చూస్తున్నారు. వీరికి ఐఫీస్ట్‌ని అందించేందుకు చిత్ర యూనిట్‌ సై అంది. ప్రేమికుల దినోత్సవం సందర్భంగా ‘రాధే శ్యామ్’ సినిమా నుంచి స్పెషల్ వాలెంటైన్ గ్లింప్స్ విడుదల చేశారు. లవ్ ఫీల్‌తో సాగిన ఈ ప్రచార చిత్రం ఎలా ఉందో చూడండి.

విక్రమాదిత్య పాత్రలో ప్రభాస్, ప్రేరణ పాత్రలో పూజా హెగ్డే నటిస్తున్న సినిమా ‘రాధే శ్యామ్’. ఆల్రెడీ విడుదలైన పాటల్లో విజువల్స్ ప్రేక్షకులకు నచ్చాయి. ఇప్పుడీ గ్లింప్స్ చూస్తే… ‘మళ్ళీ లైఫ్ లో వాడి మొహం చూడను’ అని పూజా హెగ్డే చెప్పిన డైలాగ్‌తో ప్రారంభం అయ్యింది. ఓ బ‌స్‌లో ఉన్న ప్ర‌భాస్‌, మ‌రో బ‌స్‌లో ఉన్న పూజా హెగ్డేను పిల‌వ‌డం… ఆ తర్వాత విజువల్స్ కూడా బావున్నాయి. ‘మ‌న హాస్ప‌ట‌ల్‌లో మ‌న పేషెంట్స్ ముందు నీకు ముద్దు పెడ‌తాన‌ని అంటాడా?’ అని మరో డైలాగ్ కూడా అలరించింది. ‘కుక్ చేస్తావ్. బాగా మాట్లాడతావ్.. ఇంత మంచి అబ్బాయికి ఇంకా పెళ్లి ఎందుకు కాలేదు?’ అని ప్ర‌భాస్‌ను పూజా హెగ్డే అడ‌గ‌టం బావుంది. ఈ సినిమా మార్చి 11న విడుదల కానుంది.

Telugu : https://t.co/2DChmhjb43
Hindi : https://t.co/lehLk0d8rL
Tamil : https://t.co/bF9kWAFxzE
Kannada : https://t.co/YdNUjE0hN0
Malayalam :https://t.co/diBBjEO1eV pic.twitter.com/IKjig0k8Yi

— UV Creations (@UV_Creations) February 14, 2022

కృష్ణంరాజు, సచిన్ ఖేడేకర్, భాగ్య శ్రీ, మురళీ శర్మ తదితరులు ఇతర కీలక పాత్రల్లో నటించిన ‘రాధే శ్యామ్’ సినిమాను గోపీ కృష్ణ మూవీస్, యూవీ క్రియేష‌న్స్ పతాకాలపై వంశీ, ప్ర‌మోద్, ప్ర‌సీధ‌ నిర్మించారు. హిందీలో టీ – సిరీస్ నిర్మాణ భాగస్వామి. ‘జిల్’ ఫేమ్ రాధాకృష్ణ కుమార్ దర్శకత్వం వహించారు. తమన్ నేపథ్య సంగీతం అందిస్తున్నారు. దక్షిణాది భాషల్లో పాటలకు జస్టిన్ ప్రభాకరన్ స్వరాలు అందించగా… మిథున్, అనూ మాలిక్, మనన్ భరద్వాజ్ హిందీలో పాటలకు స్వరాలు అందించారు.