అందులో నేనే కొరియోగ్రఫీ అని సమంతకు తెలియదు: గణేష్ ఆచార్య

Ganesh Master: సుకుమార్ దర్శకత్వంలో అల్లు అర్జున్ హీరోగా మెప్పించిన సినిమా పుష్ప. ఈ సినిమా పాన్ ఇండియా స్థాయిలో మంచి ఫేమ్ సంపాదించుకుంది. ఇందులో సమంత చేసిన ‘ఊ అంటావా మావ.. ఉఊ అంటావా మావ’ అనే స్పెషల్ సాంగ్ ఇప్పటికి సోషల్ మీడియాలో ఓ రేంజ్ లో హడావిడి చేస్తోంది.

ఇందులో సమంత హాట్ పర్ఫామెన్స్ వేరే స్థాయిలో ఉందని చెప్పవచ్చు. మరి ఈ పాటలో సమంతకు స్టెప్పులు నేర్పిన కొరియోగ్రాఫర్ ఎవరో కాదు బాలీవుడ్ కొరియోగ్రాఫర్ గణేశ్ ఆచార్య. తాజాగా తను ఇంటర్వ్యూలో మాట్లాడుతూ.. ఈ సాంగ్ కొరియోగ్రఫీ చేసే క్రమంలో జరిగిన కొన్ని ఆసక్తికరమైన విషయాలు తెలిపాడు.

“తెలుగులో డీజే, సరైనోడు సినిమా సినిమాలకు కొరియోగ్రఫీ నేనే చేశాను. అలానే పుష్ప లో దాక్కో దాక్కో మేక పాట కూడా నేనే కొరియోగ్రఫీ చేశాను. ఇక డిసెంబర్ 17న ఈ మూవీ విడుదల అన్నారు. అదే నెల మూడో తారీకు అల్లు అర్జున్ నాకు ఫోన్ చేసి మాస్టర్ జి ఒక సాంగ్ చేయాలి అన్నాడు. అసలు సమయం లేదు. అందులోనూ నా కంటికి సర్జరీ చేయించుకోవాల్సిన ఉండడంతో కుదరక పోవచ్చు అని చెప్పాను.

వెంటనే పుష్ప సినిమా నిర్మాతలు డాక్టర్ కి ఫోన్ చేసి మరో డేట్ సెట్ చేసి నన్ను ఇన్వైట్ చేశారు. అలా సమంతకు చివరికి నేనే కొరియోగ్రఫీ చేశాను. ఈ పాటకు నేనే డాన్స్ మాస్టర్ అని సమంతకు అప్పటి వరకు తెలియదు” అని కొరియోగ్రాఫర్ గణేష్ ఆచార్య చెప్పుకొచ్చాడు.