లిఫ్ట్​ లో ఇరుక్కుపోయిన కుక్క ప్రాణాలు కాపాడిన ఫుడ్ డెలివరీ బాయ్​..!

ఓ ఫుడ్ డెలివరీ బాయ్ కి సోషల్​ మీడియా హారతులు పడుతుంది. ఆ వ్యక్తి చేసిన మంచి పనిని నెటిజన్లు మెచ్చుకుంటున్నారు. శభాష్​ అంటూ నీరాజనాలు పడుతున్నారు. ఇందుకుగల కారణం ఆ వ్యక్తి ఓ కుక్క పిల్లను కాపాడమే. అసలు ఫుడ్​ డెలివరీ బాయ్​ కు.. కుక్కకు సంబంధం ఏంటి అని అనుకుంటున్నారా? సంబంధం ఉంది. ఇది తెలుసుకోవాలి అంటే కింద ఇచ్చిన వీడియోను అయినా చూడాలి లేకుంటే ఈ స్టోరీ అయినా చదవాలి.

అసలు ఏం జరిగింది అంటే… ఇటీవల చైనాకు చెందిన ఓ మీడియా సంస్థ ఓ వీడియోను తన యూట్యూబ్ ఛానెల్​ లో అప్ లోడ్ చేసింది. అందులో ఉన్న కంటెంట్​ వల్ల అది విడుదల అయిన కొద్ది రోజుల్లోనే ఓ రేంజ్​ లో సోషల్ మీడియాలో వైరల్ అవుతుంది. ఇందులో ఓ స్థానింకంగా పని చేసే ఓ ఫుడ్ డెలివరీ బాయ్ ఓ కుక్క పిల్లను రక్షించాడు. ఆ కుక్క పిల్ల లిఫ్ట్​ లో తన మెడకు ఉన్న తాడుని ఇరికించుకుంది. అయితే దానిని ఆ ఫుడ్​ డెలివరీ బాయ్ తప్పించి ఆ కుక్క ప్రాణాలను కాపాడాడు.

అయితే కుక్క తాడు లిఫ్ట్ లో ఇరుక్కుని పోవడం ఏంటి అని మీకు డౌట్ రావచ్చు. నిజమే.. ఆ కుక్క ఓ పెంపుడు జంతువు. అది ఆ అపార్ట్​ మెంట్​ లో ఉండేది. అయితే రోజు లాగానే ఆ కుక్క లిఫ్ట్ లోకి వచ్చి నిలుచుంది. అయితే ఆ కుక్క తాడు చాలా పొడవుగా ఉండడం వల్ల కొంత భాగం మాత్రమే లిప్ట్​ లోకి వచ్చింది. మిగతాది లిప్ట్ బయట ఉండి పోయింది. అయితే ఇంతలో పైన ఉండే వారు లిప్ట్ ను పైకి నొక్కారు. దీంతో లిప్ట్​ పైకి వచ్చింది. ఆ తాడు ఇరుక్కుపోయి ఉండడంతో ఇది కాస్తా కుక్క మెడకు గట్టిగా బిగించుకుంది. అయితే డోర్​ ఓపెన్​ చేయగానే దానిని చూసిన ఓ ఫుడ్​ డెలివరీ బాయి మెడకు తగులుకుని ఉన్న ఆ తాడును తీసి కుక్కను రక్షించాడు. సీసీ టీవీ లో రికార్డు అయిన ఆ వీడియో ఓ రేంజ్​ లో వైరల్​ గా మారింది.