‘సర్కారు వారి పాట’ ట్రైలర్​.. అదరగొట్టిన మహేశ్‌ బాబు

సూపర్​ స్టార్ మహేశ్ బాబు ఫ్యాన్స్​ ఎంతగానో ఎదురుచూస్తున్న సర్కారు వారి పాట మూవీ ట్రైలర్​ రానే వచ్చింది. పరశురామ్​ దర్శకత్వం వహించిన ఈ సినిమాలో మహేశ్ బాబు సరసన హీరోయిన్​గా కీర్తి సురేష్​ నటిస్తున్న విషయం తెలిసిందే. ఈ మూవీ మే 12న ప్రేక్షకుల ముందుకు రానుంది. ఈ క్రమంలో సోమవారం ట్రైలర్​ను విడుదల చేశారు. ఈ సినిమా ట్రైలర్​లో మహేశ్ బాబు లుక్స్​, డైలాగ్​లు, డైలాగ్ డెలివరీ అభిమానులనే కాదు ప్రేక్షకులను సైతం విపరీతంగా ఆకట్టుకుంటున్నాయి.

లవ్ .. యాక్షన్ .. కామెడీ నేపథ్యంలో సాగే సన్నివేశాలపై కట్ చేసిన ఈ ట్రైలర్ ఆకట్టుకుంటోంది. మహేశ్ బాబు బాడీ లాంగ్వేజ్ కి తగిన డైలాగులు సినిమాపై మరింత ఆసక్తిని రేకెత్తిస్తున్నాయి. ‘అప్పుడే మీకు పెళ్లేంటి సార్’ అని వెన్నెల కిశోర్ అంటే, ‘అందరూ నీలాగే అనుకుంటున్నారయ్యా .. మెయింటెయిన్ చేయలేక దూల తీరిపోతోంది’ అంటూ మహేశ్ చెప్పే డైలాగ్ బాగా హైలెట్ అయింది. మహేష్, కీర్తీ సురేష్ మధ్య సీన్స్ బావున్నాయి. ‘వెన్నెల’ కిషోర్ కామెడీ, యాక్షన్, ఎమోషన్.. అన్నీ ట్రైలర్‌లో చూపించారు. ముఖ్యంగా మహేష్ డైలాగులు బావున్నాయి. ఆయన ఎనర్జీ ఆడియన్స్ అందరినీ మెస్మరైజ్ చేయడం గ్యారెంటీ. అయితే, ఆయన నోటి వెంట కొన్ని డబులు మీనింగ్ డైలాగులు కూడా వినపడ్డాయి.

బ్యాంకు కుంభకోణం తదితర అంశాలతో యాక్షన్‌ నేపథ్యంలో ఈ సినిమాని పరశురామ్‌ తెరకెక్కించారు.  వెన్నెల కిశోర్‌, సుబ్బరాజు తదితరులు కీలక పాత్రలు పోషించారు. ఈ సినిమాని నవీన్‌ యెర్నేని, వై. రవిశంకర్‌, రామ్‌ ఆచంట, గోపీచంద్‌ ఆచంట సంయుక్తంగా నిర్మించారు. ఇక ఈ చిత్రానికి తమన్‌ మ్యూజిక్‌ కొట్టాడు.