యాంకర్ సుమ షోలో సందడి చేసిన హీరో రాజశేఖర్ ఫ్యామిలీ.. వైరల్ వీడియో!

తెలుగు సినిమా ఇండస్ట్రీలో తనకంటూ మంచి గుర్తింపు, మంచి అభిమానం సంపాదించుకున్న హీరో డాక్టర్ రాజశేఖర్. ఈయన గురించి ఎంత చెప్పినా తక్కువే. ఈయన నవ్వితే చాలు ప్రేక్షకుల్లో చాలా ఉత్సాహం కనిపిస్తుంది. కల్మషం లేని వ్యక్తిగా టాలీవుడ్ ఇండస్ట్రీలో నిలిచాడు. ఇప్పటికీ ఇండస్ట్రీ లో కొనసాగుతూ తన కూతుర్లతో సహా పోటీగా నటిస్తున్నాడు.

1985లో వందేమాతరం సినిమాతో తెలుగు ప్రేక్షకులకు పరిచయం అయిన రాజశేఖర్ ఆ తర్వాత ఎన్నో ఫ్యామిలీ ఎంటర్టైన్మెంట్ సినిమాలలో నటించి స్టార్ హీరోగా ఎదిగాడు. క్లాస్ పాత్రకైనా, మాస్ పాత్రకైనా రాజశేఖర్ నటన ప్రాణం పోసినట్లుగా ఉంటుంది. ఇక ఈయన అప్పుడప్పుడు తన కుటుంబ సభ్యులతో కలిసి బుల్లితెరపై కూడా సందడి చేస్తుంటాడు.

తాజాగా రాజశేఖర్ తన భార్య జీవిత, ఇద్దరు అమ్మాయిలతో కలిసి బుల్లితెరపై ప్రసారమవుతున్న యాంకర్ సుమ షో క్యాష్ లోకి ఎంట్రీ ఇచ్చారు. సంక్రాంతి సందర్భంగా ఈ ఎపిసోడ్ ప్రసారం కానుండగా ప్రస్తుతం దీనికి సంబంధించిన ప్రోమోను విడుదల చేశారు. అందులో రాజశేఖర్ కుటుంబం సాంప్రదాయమైన దుస్తుల్లో కనిపించారు.

ఇక రాజశేఖర్ పంచె కట్టు కొని బుల్లెట్ బండి పై స్టైల్ గా ఎంట్రీ ఇచ్చాడు. ఇక సుమ.. రాజశేఖర్ గారు మా క్యాష్ ప్రోగ్రాం ఎలా ఉంది అని అడగడంతో.. వెంటనే రాజశేఖర్.. సూపర్ గా ఉంది.. కానీ.. అంటూ గ్యాప్ ఇచ్చాడు. సుమ తో పాటు అక్కడున్న వాళ్లంతా రాజశేఖర్ ఏం చెబుతారో అని అనుకోగా.. హా అంతే అంటూ ఆ మాటకు పుల్ స్టాప్ చెప్పాడు. దీంతో అక్కడున్న వాళ్ళంతా తెగ నవ్వుకున్నారు. మొత్తానికి ఇందులో రాజశేఖర్ కుటుంబం బాగా సందడి చేసినట్లు కనిపించింది.