నేస్తం ఫౌండేషన్ కు రక్తదానం లో జిల్లా ప్రథమ స్థానం

జిల్లా కలెక్టరేట్ లో జరిగిన ఓ కార్యక్రమంలో జిల్లా కలెక్టర్ రేవు ముత్యాలరాజు చేతుల మీదుగా 2015-16 సంవత్సరాలకు గాను రెడ్ క్రాస్ పరిధిలో అత్యధిక రక్తదాన యూనిట్లను సేకరించి జిల్లాలో ప్రథమ స్థానంలో నిలిచినందుకు గాను రెడ్ క్రాస్ రక్తనిధి వారి ఉత్తమ రక్తదాన మోటివేటర్ అవార్డును నేస్తం ఫౌండేషన్ అందుకోవడం జరిగింది.

ఈ సందర్భంగా కలెక్టర్ రేవు ముత్యాలరాజు మాట్లాడుతూ నేస్తం ఫౌండేషన్ ద్వారా కొంతమంది యువకులు, విద్యార్ధులు కలిసి సమాజంలోని వివిధ అవసరాలను గుర్తిస్తూ కార్యక్రమాలు నిర్వహించడం అభినందనీయం అని అన్నారు. వీరు నిర్వహిస్తున్న అన్నదానం, రక్తదానం, మిగులు ఆహార పంపిణీ వంటి కార్యక్రమాలు స్పూర్తివంతంగా ఉన్నాయని తెలిపారు. యువకుల్లో సామాజిక సేవా స్పృహ ను రగిలించే ఇలాంటి సంస్థలకు తమ ప్రోత్సాహం ఎప్పుడూ ఉంటుంది అని తెలియజేసారు.
ఈ కార్యక్రమంలో నేస్తం ఫౌండేషన్ అధ్యక్షులు కోరెం ప్రవీణ్ కుమార్, కార్యవర్గ సభ్యులు కోరెం వెంకటేశ్వరరావు, విక్రమ్ కుమార్, మద్దెల సురేంద్ర, వడ్లమూడి మురళి, గాలి శివ, జోసెఫ్ హిమామ్స్, జొన్నవాడ చైతన్య, బాబు, సతీష్, మస్తాన్ తదితరులు పాల్గొన్నారు.