రెండేళ్ల తర్వాత కలుసుకున్న యాంకర్ రవి, శ్రీముఖి!

Anchor Ravi And Srimukhi : యాంకర్ రవి బుల్లితెర ప్రేక్షకులకు పరిచయం అక్కర్లేని పేరు. తన యాంకరింగ్ తో బుల్లితెరపై మంచి గుర్తింపు సంపాదించుకున్నాడు. మొదట సంథింగ్ స్పెషల్ అంటూ మాటీవీలో యాంకర్ లాస్య తో అలరించిన రవి.. ఆ తర్వాత ఈటీవీలో పటాస్ షో లో కొంతకాలం అదరగొట్టాడు. ఇక తనకంటూ యాంకర్ గా ఓ ప్రత్యేక గుర్తింపు తెచ్చుకున్నాడు.

అలా పటాస్ షో తో మరింత ఫాలోయింగ్ సంపాదించుకున్నాడు రవి. ఇక స్టేజ్ పై యాంకర్ రవి శ్రీముఖి ల కాంబో లెవెల్ లో ఉండేది. వీరిరువురు కెమిస్ట్రీ ఎంతో మంది ప్రేక్షకులను ఆకట్టుకుంది. ఇలా ఈటీవీ లో కొన్ని రోజులు బాగా హడావిడి చేసిన ఈ జంట కుర్రకారును బాగా ఆకట్టుకుంది. ఆ తర్వాత కొంత కాలం తర్వాత ఏమైందో కానీ.. ఈ జంట కలిసి మళ్ళీ ఎక్కడా కనిపించలేదు.

దాంతో ఆ మధ్య వీరిరువురి గురించి పుకార్లు షికార్లు కొట్టాయి. ఆ తర్వాత వీరిద్దరూ కలిసి చేయకపోవడానికి కారణం ఏమిటో ఈ జంట ఏ రకంగా కూడా వెల్లడించలేదు. వీరిద్దరూ కలిసి ఓకే షోలో చేయక దాదాపు రెండు సంవత్సరాలు గడిచి పోతుంది. ఇక వీరు ఎప్పుడూ యాంకరింగ్ కలిసి చేయకపోగా కనీసం దాని గురించి ఎప్పుడూ స్పందించలేదు.

కానీ ఇటీవల బిగ్ బాస్ మహోత్సవం అనే షో కి వీరిరువురు కలిసి యాంకరింగ్ చేసినట్లు తెలుస్తోంది. దీనికి సంబంధించిన ఫోటోలు సోషల్ మీడియాలో లీకయ్యాయి. కాబట్టి ఈ విషయం త్వరగా వెలుగులోకి వచ్చింది. దీంతో రవి శ్రీముఖి మళ్ళీ కలిసిపోయారు అని తమ అభిమానులు తెగ ఆనంద పడుతున్నారు.