నిజమైన స్నేహితులు ఎవరో తెలుసుకోవాలంటే.. వారిలో ఈ లక్షణాలను గమనించాలి?

ఆచార్య చాణక్యుని గురించి ప్రత్యేకంగా చెప్పాల్సిన పనిలేదు. ఈయన మనిషి జీవితాన్ని ఎంతో క్షుణ్ణంగా చదివిన వ్యక్తి అని చెప్పవచ్చు. ఆచార్య చాణిక్యుడు ఒక మనిషి జీవితం విజయంలో ముందుకు సాగాలంటే ఎలా ఉండాలి ఎటువంటి వారితో స్నేహం చేయాలి అనే విషయాల గురించి తన గ్రంథం ద్వారా వెల్లడించారు.ఈ క్రమంలోనే మనతో స్నేహం చేసే వారిలో నిజమైన స్నేహితులు ఎవరని ఎలా తెలుసుకోవాలనే విషయాలను కూడా చాణిక్యుడు ఎంతో అద్భుతంగా వివరించారు. మరి నిజమైన స్నేహితుడు ఎవరు? వారిని గుర్తించాలంటే మన స్నేహితులలో ఈ లక్షణాలు తప్పకుండా ఉండాలి…

క్లిష్ట పరిస్థితులలో కూడా మద్దతు తెలపడం: ఒక వ్యక్తి జీవితంలో ఎంతో క్లిష్ట పరిస్థితుల్లో ఉన్నప్పుడు ఎవరైతే మీకు అండగా నిలబడి సహాయం చేస్తారో వాళ్ళే నిజమైన స్నేహితులు నిజమైన స్నేహితులకు ఈ లక్షణం తప్పకుండా ఉంటుంది.

ఆర్థిక సమస్యలు ఉన్నప్పుడు ఆదుకోవడం: సాధారణంగా మన దగ్గర డబ్బు ఉందంటే ఎంతో మంది స్నేహితులు పరిచయం అవుతారు. కానీ మనకు ఆర్థిక కష్టాలు మొదలైనప్పుడు మనతోపాటు ఉండేవారే నిజమైన స్నేహితులని చాణిక్యుడు నీతి గ్రంధం ద్వారా తెలిపారు.

అనారోగ్య సమస్యలు వచ్చినప్పుడు: మనం ఏదైనా అనారోగ్య సమస్యలతో బాధపడుతున్నప్పుడు మన వెంటే ఉండి మన ఆరోగ్యం గురించి శ్రద్ధ చూపించే వారే నిజమైన స్నేహితులని ఇలాంటి వారితో స్నేహం చేయాలని చాణిక్యుడు తన నీతి గ్రంథం ద్వారా తెలిపారు.

మీకు అండగా నిలబడే వ్యక్తి: సాధారణంగా మనం మన ఇంట్లో ఎవరైనా కుటుంబ సభ్యుడిని కోల్పోయినప్పుడు లేదా మన ఆప్తులను కోల్పోయినప్పుడు ఎవరైతే మనకు ఆ సమయంలో అండగా నిలబడి మనకు ఓదార్పు కలిగిస్తారో అలాంటి వారే నిజమైన స్నేహితులు ఇలాంటి లక్షణాలు ఉన్న వారితో మాత్రమే స్నేహం చేయాలని చాణిక్యనీతి గ్రంథంలో తెలిపారు.