రాజమౌళి లేకుండానే పాన్ ఇండియా స్టార్ గా మారిన ఆ హీరో!

టాలీవుడ్ ఇండస్ట్రీలో ప్రస్తుతం స్టార్ హీరోలంతా పాన్ ఇండియా సినిమాలకే అలవాటు పడుతున్నారు. కేవలం హీరోలే కాకుండా దర్శకులు కూడా పాన్ ఇండియా కథలకే ఆసక్తి చూపిస్తున్నారు. దాంతో పలువురు దర్శకులు కూడా రాజమౌళి బాటలో పయనిస్తున్నారు. కానీ రాజమౌళి అందుకున్నంత సక్సెస్ ను అందుకోలేకపోతున్నారు.

నిజానికి ఏ స్టార్ హీరోలైన రాజమౌళి సినిమాతోనే పాన్ ఇండియా స్టార్ లుగా మారడం గ్యారెంటీ అని ప్రభాస్ ద్వారా అర్థమైంది. ఎందుకంటే బాహుబలి సినిమాతో ప్రభాస్ అందుకున్న క్రేజ్ అలా ఉంది కాబట్టి. బాహుబలి సినిమా తర్వాత చాలా మంది హీరోలు పాన్ ఇండియా సినిమాల్లో నటించిన కూడా పాన్ ఇండియా స్టార్ లుగా కాలేకపోయారు.

కానీ ఒక్క హీరో మాత్రం రాజమౌళి లేకుండానే పాన్ ఇండియా స్టార్ గా మారాడు. ఇంతకూ ఆ హీరో ఎవరో కాదు.. ఐకాన్ స్టార్ అల్లు అర్జున్. ఇటీవలే డైరెక్టర్ సుకుమార్ దర్శకత్వంలో పాన్ ఇండియా మూవీ పుష్ప సినిమాతో మంచి క్రేజ్ సంపాదించుకున్న బన్నీ పాన్ ఇండియా స్టార్ గా మారాడు. ఈ సినిమాతో తెలుగులో కాకుండా ఇతర భాషలలో బన్నీ కి విపరీతమైన క్రేజ్ వచ్చింది.

దీంతో పాన్ ఇండియా స్టార్ గా గుర్తింపు సొంతం చేసుకున్నాడు. జక్కన్న సపోర్ట్ లేకుండానే బన్నీ ఇంత క్రేజ్ సంపాదించుకున్నాడని అభిమానులు అంటున్నారు. ప్రస్తుతం రాజమౌళి ఆర్ఆర్ఆర్ సినిమాతో ఎన్టీఆర్, రామ్ చరణ్ కూడా పాన్ ఇండియా స్టార్ లుగా మారడం ఖాయమని తెలుస్తోంది.