రామ్ చరణ్ – శంకర్ సినిమాలో పవన్ కళ్యాణ్ పాట!

Rc 15: టాలీవుడ్ ప్రేక్షకులకు హీరో రామ్ చరణ్ గురించి ప్రత్యేకించి పరిచయం అక్కర్లేదు. ‘చిరుత’ సినిమాతో తెలుగు తెరకు పరిచయమైన ఈ మెగా హీరో.. ఆ తర్వాత వచ్చిన ‘మగధీర’ తో మరింత భారీ సక్సెస్ అందుకున్నాడు. ఇక చరణ్ ఫ్యాన్ ఫాలోయింగ్ గురించి మనకు తెలుసు. ప్రస్తుతం చరణ్ త్రిబుల్ ఆర్ ద్వారా పాన్ ఇండియా స్టార్ గా కనిపించనున్నాడు.

ఇక త్రిబుల్ ఆర్ ఈ సంక్రాంతికి థియేటర్ల లో హడావిడి చేయాల్సి ఉంది. కానీ కరోనా థర్డ్ వేవ్ కారణంగా ఈ సినిమా వాయిదా పడినట్లు ఈ చిత్ర బృందం తెలిపింది. త్రిబుల్ ఆర్ తర్వాత రామ్ చరణ్ తన 15వ సినిమాతో ప్రేక్షకుల ముందుకు రాబోతున్నాడు. ఆ సినిమాకు స్టార్ డైరెక్టర్ శంకర్ దర్శకత్వం వహిస్తున్నాడు

ఈ చిత్రాన్ని శంకర్ పాన్ ఇండియా లెవెల్ లో రూపొందిస్తున్నాడు. ఇక తాజాగా ఒక ఆసక్తికరమైన అప్ డేట్ వైరల్ గా మారింది. ఈ చిత్రంలో ఒక స్పెషల్ సాంగ్ ప్లాన్ చేసారని తెలుస్తోంది. ఆ సాంగ్ అతని బాబాయ్ పవన్ కళ్యాణ్ సినిమా లోని సాంగ్ అని వార్తలు చక్కర్లు కొడుతున్నాయి.

ఇంతకు ఆ స్పెషల్ సాంగ్ ఏమిటంటే.. పవన్ కళ్యాణ్, రేణు దేశాయ్ జంటగా నటించిన ‘జానీ’ సినిమా అని తెలుస్తుంది. ఆ సినిమాలో ‘ఈ రేయి తీయనిది..’ అనే సాంగ్ స్పెషల్ గా రీమేక్ చేస్తున్నట్లు తెలుస్తోంది. మొత్తానికి బాబాయి పాటతో కొడుకు చిందులేయనున్నట్లు తెలుస్తుంది.