Movies This Week: నెల్లూరు నగరంలో ఈ వారం విడుదలవుతున్న చిత్రాలు

నెల్లూరు నగరంలో ఈ వారం 4 చిత్రాలు విడుదల అవుతున్నాయి. ఇవన్నీ కూడా ఈ శుక్రవారమే విడుదల అవుతున్నాయి. వీటిల్లో షారుక్ ఖాన్, ఆలియా భట్ నటించిన హిందీ చిత్రం ‘డియర్ జిందగీ’ దేశవ్యాప్తంగా ఎన్నో అంచనాల నడుమ విడుదల అవుతున్నది. ఎస్2 సినిమాస్ లో సాయంత్రం, రాత్రి 2 ఆటలు ప్రదర్శితం కానున్న ఈ చిత్రానికి నెల్లూరులో సైతం మంచి ఓపెనింగ్స్ వచ్చే అవకాశం ఉంది. కీర్తి సురేష్, శివ కార్తికేయన్ లు నటించిన తమిళ అనువాద చిత్రం ‘రెమో’ ఎస్2 సినిమాస్ లో 4 ఆటలు ప్రదర్శితం కానున్నది. ఇక షాంనా ఖాసీం (పూర్ణ), శ్రీనివాస్ రెడ్డి నటించిన ‘జయమ్ము నిశ్చయమ్ము రా’ చిత్రం ఎస్2 సినిమాస్ లో 3 ఆటలు, లీలామహల్ లో 2 ఆటలు ప్రదర్శితం కానున్నది. జీవా, తులసి నాయర్ ల పాత తమిళ అనువాద చిత్రం ‘రంగం 2’ నర్తకి థియేటర్ లో విడుదల అవుతున్నది. ఈ చిత్రాల్లో ఏ చిత్రం విజయపు తీరాలకు చేరుతుందో చూడాలి. ఇక పోతే గత వారం నగరంలో ప్రదర్శితమవుతున్న చిత్రాల్లో నిఖిల్, అవికా గోర్, హెబ్బా పటేల్, నందిత శ్వేత ల ‘ఎక్కడికి పోతావు చిన్నవాడా’ విజయవంతంగా దూసుకుపోతూ ఎస్2 సినిమాస్ లో 3 ఆటలు మరియు అర్చన థియేటర్ లో 4 ఆటలు ప్రదర్శితం అవుతున్నది. నాగచైతన్య, మంజిమా మోహన్ ల ‘సాహసం శ్వాసగా సాగిపో’ లీలామహల్ థియేటర్ లో 2 ఆటలకే పరిమితం అయింది. సిరి మల్టీప్లెక్స్ లో నిత్యమీనన్ ‘ఘటన’ చిత్రం ఆడుతున్నది.