కదిలే పోలీసు వ్యాన్ లో మాయమైన ఖైదీ.. ఎలానో మీరే చూడండి!

మనం రోజు సినిమాలలో, సీరియల్స్ లో చూసినప్పుడు పోలీసులకు ఖైదీలు పట్టుబడ్డప్పుడు.. వారు అక్కడి నుంచి తప్పించుకోవడానికి వేసే ఎత్తుగడలు వారు తప్పించుకునే విధానాలు చూస్తూ ఉంటే భలే అనిపిస్తుంది. కానీ ఇక్కడ ఓ ఖైదీ మాత్రం వేరే స్థాయిలో తప్పించుకున్నాడు. పోలీసులకు సైతం పిచ్చెక్కిపోయింది. అదేలానో ఇప్పుడు మనం తెలుసుకుందాం.

బ్రెజిల్‌లో ఓ ఖైదీ పోలీసులకు దొరికిపోయాడు. ఖైదీ ని పోలీసులు వ్యాన్ లో వెనుక వైపు కూర్చోబెట్టి తీసుకువెళుతున్నారు. అతని చేతికి సంకెళ్లు కూడా ఉన్నాయి. పింక్ కలర్ వస్త్రాలను ధరించిన అతనిని పోలీసులు ఓ రోడ్డు మీదుగా తీసుకెళ్తున్నారు. రోడ్డు దగ్గర గతుకులు లాంటిది వస్తే వ్యాన్ వేగం తగ్గుతుంది అని మనందరికీ తెలుసు. ఆ దొంగ కూడా దీనినే మంచి సదవకాశం గా ఎంచుకున్నాడు.

ఒక రఫ్ గా ఉన్న ఏరియాలో గతుకు ఉన్నచోట వ్యాన్ వేగం తగ్గించగానే.. ఆ ఖైదీ ‘అప్నా టైం ఆయేగా ‘ అన్నట్టుగా వ్యాన్ నుంచి దూకేసాడు. అసలు అలా దూకేసినవాళ్ళు వెంటనే అక్కడి నుంచి మాయం అవుతారు. కానీ ఈ ఖైదీ ‘గుడ్ బై’ చెప్పినట్టుగా అక్కడ ఏదో పడిపోతే అది తీసుకొని మరీ తప్పించుకున్నాడు.

మరి పోలీసులు ఏ మత్తులో ఉన్నారో ఏమో కానీ ఖైదీ ఉన్నాడో లేడో చూసుకోకుండా స్టేషన్ కు కాన్ఫిడెన్స్ తో దూసుకెళ్లారు. స్టేషన్ కి వెళ్లి చూసిన తర్వాత ఖైదీ లేకపోవడంతో ఒక్కసారిగా పోలీసులు అందరూ స్టన్ అయ్యారు. ఆ వ్యాన్ నుంచి తప్పించుకునే వీడియో క్లిప్ సీసీ కెమెరా ద్వారా సేకరించబడినది. ప్రస్తుతం ఈ వీడియో ‘వైరల్ హాగ్’ అనే పేజీ ద్వారా యూట్యూబ్ లో తెగ హడావిడి చేస్తుంది.