రెబల్ స్టార్ ప్రభాస్ సినిమా.. ఒకేసారి 20 వేల థియేటర్లలో!

Adi Purush: టాలీవుడ్ ప్రేక్షకులకు రెబల్ స్టార్ ప్రభాస్ గురించి ప్రత్యేకించి పరిచయం అక్కర్లేదు. ‘ఈశ్వర్’ సినిమాతో తెలుగు ఇండస్ట్రీలో అడుగుపెట్టిన ఈ స్టార్ హీరో ఆ తర్వాత వచ్చిన ‘బాహుబలి’ చిత్రం తో పాన్ ఇండియా స్టార్ గా మారిపోయాడు. ఇక రాబోతున్న రాధేశ్యామ్ చిత్రం ప్రభాస్ కి తెచ్చిన ఫేమ్ అంతా.. ఇంతా కాదు.

ఇక ప్రభాస్ ఫ్యాన్ ఇండియా స్థాయిలో దూసుకెళ్లడంతో దర్శకనిర్మాతలు అతనిపై మరింత ఆసక్తి చూపుతున్నారు. ప్రభాస్ తో సినిమా చేయడానికి పెద్ద ఎత్తున డబ్బు ఖర్చు పెడుతున్నారు. అలా హెవీ బడ్జెట్ తో రూపొందుతున్న ప్రభాస్ చిత్రాలలో ఒకటి ‘ఆదిపురుష్’. ఈ చిత్రానికి ప్రేక్షకుల్లో భారీ అంచనాలు మొదలయ్యాయి.

ఈ సినిమాను బాలీవుడ్ దర్శకుడు ఔoరౌత్ రూపొందిస్తున్నాడు. రామాయణ మహాకావ్య నేపథ్యంలో తెరకెక్కనున్న ఈ చిత్రంలో ప్రభాస్ రాముడిగా, బాలీవుడ్ బ్యూటీ కృతి సనన్ సీతగా మెప్పించ బోతున్నారు. ఇక బాలీవుడ్ యాక్టర్ సైఫ్ అలీ ఖాన్ లంకేశుడిగా కనిపించబోతున్నాడట.

ఈ చిత్రాన్ని భారీ బడ్జెట్ తోనే రూపొందిస్తున్నారు అని తెలుస్తోంది. ఈ చిత్ర నిర్మాణానికి దాదాపు 400 కోట్లు అని అంచనాలు ఉన్నట్లు తెలుస్తోంది. ఇక ప్రపంచ వ్యాప్తంగా 20 వేల థియేటర్లలో ఒకేసారి ఈ ఆదిపురుష్ సినిమాను విడుదల చేస్తారని తెలుస్తోంది. ఈ వార్త తెలిసిన నెటిజన్లు ప్రభాస్ ని వేరే స్థాయిలో ఊహించుకుంటున్నారు. ఈ మూవీని ఫ్యాన్స్ వరల్డ్ మూవీ గా హైలెట్ చేస్తున్నారు.