రూట్ మార్చిన హీరోయిన్లు.. పెళ్లి తర్వాత అందాలను ఆరబోయడానికి మళ్ళీ సిద్ధం!

Actresses Re Entry In Movies: కొంతకాలం వరకు సినీ ఇండస్ట్రీలో ఓ వెలుగు వెలిగిన హీరోయిన్లు.. ఆ తర్వాత పెళ్లి బాట పట్టి సినిమాలకు చెక్ పెట్టారు. అదే తరహాలో కొంతమంది హీరోయిన్లు ఇప్పుడు సోషల్ మీడియాలో గ్లామర్ డోస్ పెంచుతూ కనిపిస్తున్నారు. అంతే కాకుండా కొన్ని సినిమాలకు సైన్ చేసి మళ్లీ సినీ రంగానికి రీ ఎంట్రీ ఇస్తున్నారు. ఇప్పుడు మనం ఆ తారల గురించి తెలుసుకుందాం.

గతంలో బొమ్మరిల్లు, రెడీ, ఆరెంజ్ , శశిరేఖ పరిణయం, వంటి సినిమాల్లో హడావిడి చేసిన జెనీలియా. తర్వాత సినిమాలకు దూరంగా ఉంది తన భర్త తో ఎంజాయ్ చేస్తుంది. 2014లో ఒక బాబు కి తర్వాత 2016లో మరో బాబుకు జన్మనిచ్చింది జెనీలియా. ఇక నటిగా మళ్ళీ జర్నీ చేయాలనుకుంటుంది. మరాఠీ సినిమా అయినా ‘వేద్ ‘తో రీ ఎంట్రీ ఇస్తున్నట్లు తెలిసింది.

ఇక అదే తరహాలో ‘మీరా జాస్మిన్’. ఈ భామ గురించి ప్రత్యేకంగా చెప్పాల్సిన అవసరం లేదు. ‘ అమ్మాయి బాగుంది’ సినిమా తో టాలీవుడ్ లో ఎంట్రీ ఇచ్చిన ఈ ముద్దుగుమ్మ ఆపై గుడుంబా శంకర్, భద్ర వంటి సినిమాల్లో నటించి ఆ తర్వాత సినిమాలకు చెక్ పెట్టింది. ఇక గతంలో ట్రెడిషనల్ హీరోయిన్ గా నటించిన ఈ భామ.. ప్రస్తుతం దానికి వ్యతిరేకంగా మలయాళంలో ‘మక్కళ్‌’ అనే సినిమాతో రీ ఎంట్రీ ఇస్తుందట.

ఇక బాలీవుడ్ విషయానికొస్తే ‘అనుష్క శర్మ’.. ఈ భామ సిల్వర్ స్ర్కీన్ పై కనపడి దాదాపు మూడేళ్లు పైనే అవుతుంది. క్రికెటర్ విరాట్ కోహ్లీ మత్తులో పడి సినిమాలకు చెక్ పెట్టింది. ఇక చాలా గ్యాప్ తీసుకున్న ఈ బాలివుడ్ బ్యూటీ ‘చక్‌ద ఎక్స్‌ప్రెస్‌’ అనే సినిమా ద్వారా రీ ఎంట్రీ ఇస్తున్నట్లు తెలుస్తోంది.