పుష్ప మూవీ రిలీజ్ సంధర్భంగా అల్లు అర్జున్ కి స్పెషల్ గిఫ్ట్ ఇచ్చిన… అల్లు అయాన్

ఐకాన్ స్టార్ అల్లు అర్జున్, ర‌ష్మిక ప్ర‌ధాన పాత్ర‌ల‌లో సుకుమార్ తెర‌కెక్కించిన చిత్రం పుష్ప‌. నేడు ప్ర‌పంచ వ్యాప్తంగా విడుద‌ల అవుతున్న క్ర‌మంలో ప‌లువురు ప్ర‌ముఖులు పుష్ప టీమ్ కు శుభాకాంక్ష‌లు తెలియ‌జేస్తున్నారు. కాగా ఇప్పుడు వీరందరిలో బన్నీ తనయుడు అల్లు అయాన్ ప్రత్యేకంగా నిలిచారు. తండ్రి బన్నీ నటించిన `పుష్ప` విజయాన్ని ఆకాంక్షిస్తూ అల్లు అయాన్ వేసిన ఓ ఫొటో ఇప్పుడు సోషల్ మీడియా లో వైరల్ గా మారింది.

వైట్ పేపర్ పై పెన్సిల్ తో చేతిలో గొడ్డలి పట్టుకొని పుష్పరాజ్ పాత్రని తలపించేలా ఉన్న డ్రాయింగ్ ని అయాన్ గీశాడు. దాని పైన `పుష్ప` రిలీజ్ (17-12-2021) ఆల్ ద బెస్ట్ ఐకాన్ స్టార్ అల్లు అర్జున్ అని రాశాడు ఈ అల్లు వారసుడు. ఈ ఫొటోని సోషల్ మీడియా వేదికగా పోస్ట్ చేసిన బన్నీ ఆనందంతో మురిసిపోయాడు. `థ్యాంక్యూ సోమచ్ నా చిన్ని బాబు. ఐ లవ్యూ మై అయాన్. ఈ కార్డ్ తో ఈ ఉదయాన్ని నాకెంతో ప్రత్యేకంగా మలిచావు అని తన ఆనందాన్ని వ్యక్తం చేశాడు. బన్నీ షేర్ చేసిన అయాన్ డ్రాయింగ్ ఇప్పుడు నెట్టింట చక్కర్లు కొడుతుంది. నేడు విడుదలైన `పుష్ప` ఫస్ట్ శిఓ నుంచే హిట్ టాక్ సొంతం చేసుకుంది. కాగా అల్లు అర్జున్ నటనకు అందరూ ఫిదా అవుతూ ప్రశంసలు అందిస్తున్నారు. ఈ చిత్రంలో ఫహద్ ఫాసిల్, సునీల్, అనసూయ ఇతర కీలక పాత్రలు పోషించారు. తెలుగు, తమిళం, కన్నడ, హిందీ భాషల్లో ఈరోజు విడుదలవగా మరియు మలయాళ భాషలో రేపు రిలీజ్ కానుంది.