సాధారణంగా మనుషులు ముసలి పేరు వినడానికి గాని చూడనికి కానీ అసలు ఇష్టపడరు. అది గగ్గుర్లు పొడిచె చర్మంతో పెద్ద పెద్ద పళ్ళతో ఉంటుంది. కాబట్టి దాని దగ్గరికి వెళ్లడానికి మనుషులు ఎవరూ అంతగా ఆసక్తి చూపరు. కానీ ఓ వ్యక్తి మాత్రం దానితో పరాచకాలు ఆడటానికి ప్రయత్నించి ఆ ముసలికి అడ్డంగా బుక్కయ్యాడు.
అడవి దగ్గర ఉన్న చెరువు గట్టు దగ్గర దాదాపు ఏడు అడుగుల ముసలి విశ్రాంతి తీసుకుంటూ ఉంది. అప్పటికే అది ఆహారం దొరకక ఆకలి కడుపుతో ఉందనుకుంటా.. దాని చుట్టూ దోమలు కూడా ఎక్కువగానే ఉన్నాయి. కాబట్టి ఈ ముసలి చాలా చిరాకుగా ఉంది. అలాంటి ముసలి దగ్గరకు ఓ టూరిస్టు వచ్చి దానితో సరసాలు ఆడబోయాడు.
ముసలి దగ్గరికి వెళ్లి దాని తలను చేతితో ముట్టకుందాం అని అనుకున్నాడు. కానీ ముసలి అతడిని చిన్నగా భయపెట్టింది. ఈ అల్లరి వ్యక్తి.. అయినా వదలకుండా మరోసారి ముట్టుకోవడానికి ప్రయత్నం చేయగా.. ఆ ముసలి గురిచూసి అతని చేతిని నోట్లోకి లాక్కుంది. దాంతో ఆ వ్యక్తి లబోదిబో అన్నాడు.
ఆ చేతిని ఎలాగైనా వదిలించుకోవడానికి ఎంత ప్రయత్నం చేసినా లాభం లేకపోయింది. ఇక ఆ వ్యక్తి ముసలి వీపు పైకి ఎక్కి దాన్ని కదల నివ్వకుండా ఉక్కిరిబిక్కిరి చేసాడు. దాంతో ముసలి అతని చేతిని వదిలేసింది. ఆ వ్యక్తికి ఒక్కసారిగా ఊపిరి పీల్చుకున్నంత పని అయింది. ప్రస్తుతం దీనికి సంబంధించిన వీడియో నెట్టింట్లో వైరల్ గా మారింది.