శ్యామ్​సింగరాయ్ సెన్సార్ టాక్​ నిజమయ్యేనా?

నేచురల్​ స్టార్​ నాని హీరోగా ప్రతిష్టాత్మకంగా తెరకెక్కిన సినిమా శ్యామ్ సింగరాయ్​. టాక్సీవాలా సినిమా ఫేమ్ దర్శకుడు రాహుల్ సాంకృత్యాన్ ఈ సినిమాకు దర్శకత్వం వహించారు. ఈ సినిమాలో నాని డ్యుయల్​ రోల్​లో కనిపించనున్నట్లు తెలుస్తోంది. కాగా, 1970లో కలకత్తాలో జరిగిన కథ నేపథ్యంలో ఈ సినిమా రూపొందించారు. వెంకట్ బోయనపల్లి నిహారిక ఎంటర్‌టైన్‌మెంట్స్‌పై ప్రొడక్షన్ నంబర్ 1గా ఈ సినిమాను నిర్మిస్తున్నారు. మిక్కి జే మేయర్ ఈ సినిమాకు సంగీతం అందిస్తుండగా.. సాయి పల్లవి, మడోన్నా సెబాస్టియన్​, కృతి శెట్టి హీరోయిన్​లుగా నటిస్తున్నారు.

కాగా, ఇటీవల కాలంలో నాని హీరోగా వచ్చిన సినిమాలన్నీ ఓటీటీల్లోనే విడుదలవుతున్నాయి. కానీ, పెద్దగా ఆశించిన స్థాయిలో ప్రేక్షకులను ఆకట్టుకోలేకపోయాయి. ఈ క్రమంలోనే చాలా రోజుల తర్వాత మళ్లీ థియేటర్లలో అడుగుపెట్టి.. ఎలాగైనా హిట్​ కొట్టాలనే బలంగా అనుకుంటున్నారు నాని. ఈ సినిమాపైనే తన ఆశలన్నీ పెట్టుకున్నాడు. కాగా, తాజాగా ఈ సినిమా సెన్సార్ పూర్తి చేసుకుంది. అయితే, సెన్సాల్ రివ్యూ ప్రకారం సినిమా చాలా స్లోగా ఉందని… ఎక్కువగా బెంగాళీ గోల ఉండటంతో తెలుగు ప్రేక్షకులను ఆకట్టుకునే ఛాన్సెస్​ తక్కువని అన్నారు. దీంతో నాని ఫ్యాన్స్​లో భయం నెలకొంది. కాగా, గతంలో చాలా సినిమాలకు ఇలాగే సెన్సార్ రివ్యూ ఇచ్చింది.. అయితే, వాటిల్లో చాలా సినిమాలు సూపర్​ హిట్​గా నిలిచాయి.

మరోవైపు ఈ సినిమాలో సాయిపల్లవి యాక్టింగ్ అదిరిపోయిందంచూ వార్తలు వినిపిస్తున్నాయి. ఈ క్రమంలోనే నానితో పాటు సాయి పల్లవి కోసం కూడా ప్రేక్షకులు వస్తారని అంటున్నారు. ఇప్పటికే ఈ సినిమా నుంచి విడుదలైన పాటలు, ట్రైలర్​ భారీ అంచనాలను క్రియేట్​ చేశాయి. మరి ఆశించిన స్థాయిలో ఈ సినిమా నిలబడగలదా?.. సెన్సార్ టాక్​ను కాదని హిట్​గా నిలుస్తుందా?.. అనేది తెలియాల్సి ఉంది.