డిజిటల్ ఎంట్రీకి ఓకే చెప్పిన రకుల్.. తన పాత్ర అలా ఉండాలంటూ కండిషన్!

Rakul Preeth Singh: సినీ ప్రేక్షకులకు అందాల భామ రకుల్ ప్రీతి సింగ్ గురించి ప్రత్యేకించి పరిచయం అక్కర్లేదు. ‘వెంకటాద్రి ఎక్స్ప్రెస్’ సినిమా ద్వారా తెలుగు ప్రేక్షకులకు పరిచయమైన ఈ ముద్దుగుమ్మ.. ఆ తర్వాత వచ్చిన ‘కరెంట్ తీగ’ సినిమాతో యువతను ఓ రేంజ్ లో ఆకట్టుకుంది. తన అందంతో ఫ్యాన్స్ ను ఫిదా చేసి ప్రస్తుతం టాలీవుడ్ స్టార్ హీరోయిన్ లలో తాను ఒకటిగా వెలుగుతుంది.

ఇక రకుల్ సోషల్ మీడియాలో కూడా యాక్టివ్ గా ఉంటుంది. ఎప్పటికప్పుడు తన గ్లామర్ పోస్టులను ఫ్యాన్స్ తో షేర్ చేసుకుంటుంది. ఇదిలా ఉంటే రకుల్ తాజాగా డిజిటల్ ఎంట్రీ కి గ్రీన్ సిగ్నల్ ఇచ్చి కొన్ని విషయాలను తెలియజేసింది. “ఆసక్తికరంగా ఉండే కంటెంట్ లను ప్రేక్షకులు ఎప్పుడూ ఇష్టపడతారు. ఈ మధ్య కాలంలో ప్రజల ఓటీటీ కే ఓటు వేస్తున్నారు.

ఓటీటీ కి ప్రపంచ వ్యాప్తంగా మంచి గుర్తింపు దక్కింది. ఇక బాహుబలి సినిమా వల్ల పాన్ ఇండియా మార్కెట్ రూపుదిద్దుకుంది. డిజిటల్ కంటెంట్ కు ఆదరణ ఎక్కువగా పెరుగుతుంది. నేను కూడా డిజిటల్ కంటెంట్ ను చేయడానికి రెడీ కానీ.. అందులో నా రోల్ మెయిన్ గా ఉండాలి ” అంటూ పలు విషయాలను తెలిపింది రకుల్. ఇక రకుల్ ‘రన్ వే’ 34, థాంక్యూ గాడ్, డాక్టర్ జీ, అనే మూడు సినిమాలతో ఈ ఏడాది వెండితెరపై కనిపించబోతుందని తెలుస్తుంది.