షాపింగ్ మాల్ లలో నిఘా నేత్రాలు ఉన్నాయని తెలిసినా కూడా కొందరు ప్రబుద్ధులు చోరీలకు యత్నిస్తున్నారు. చివరికి సీసీ కెమెరాల్లో చిక్కి… పట్టుబడుతున్నారు. ఓ వ్యక్తి కూడా అచ్చం ఇలాగే పట్టుబడ్డాడు. అయితే మాల్ సిబ్బంది, లేక పోలీసులకు లకు అని అనుకుంటే పొరపాటే. ఆ దొంగ పట్టుబడింది ఓ 73 ఏళ్ల బామ్మకు.
అందరిలాగే ఆ యువకుడు కూడా మాల్ లోపలికి వెళ్లాడు. కార్ట్ తీసుకొని… కొన్ని వస్తువులను సేకరించాడు. నచ్చిన పస్తువులను తీసుకొని కిందకు వచ్చాడు. బిల్లు చెల్లించకుండా పరారవ్వాలని భావించాడు. కానీ ఆ బామ్మ మాత్రం ఆతడి ఆట కట్టించారు. ఈ సంఘటన కొలంబియాలోని క్యాంప్ బెల్ లోని ఓ సూపర్ మార్కెట్ లో జరిగింది. ప్రస్తుతం అందుకు సంబంధించిన దృశ్యాలు వైరల్ గా మారాయి.
సూపర్ మార్కెట్ లోకి మంకీ క్యాప్ తో చొరబడ్డ ఆ వ్యక్తి… షాపింగ్ చేశాడు. తనకు కావాల్సిన వస్తువులను కార్డులో ఉంచి.. ఇంక చాలు అన్నాక కిందకి వచ్చాడు. ఆపై బిల్లు చెల్లించకుండా వెళ్లబోయాడు. అక్కడ ఉన్న సిబ్బంది బిల్ గురించి అడిగితే.. పే చేశానని చెప్తూ.. పరారవ్వడానికి యత్నించాడు. ఈ విషయాన్నంతా ఓ 73 ఏళ్ల బామ్మ గ్రహించారు. వెంటనే తన కార్డు సాయంతో అతడిని ఆపేశారు. కార్టును బయటకు తీసుకెళ్లనీయకుండా అడ్డుకున్నారు. ఇంకేం సిబ్బంది వచ్చి… ఆ తదుపరి కార్యక్రమాలను పూర్తి చేసుకున్నారు. బామ్మ చొరవను కొనియాడుతున్నారు. కాగా గ్రేట్ బామ్మ అంటూ… నెటిజన్లు కామెంట్లు చేస్తున్నారు. ఎంతో మందికి ఈ బామ్మ ఆదర్శం అని అంటున్నారు.