తెలుగు రాష్ట్రాల్లో భీమ్లా నాయక్ మాస్‌ జాతర కొనసాగుతుంది. పవర్‌ స్టార్ పవన్ కల్యాణ్, రాణా దగ్గుబాటి నటించిన ఈ సినిమాని ఫిబ్రవరి 25న విడుదల చేశారు. అయితే సినిమా చూసేందుకు అభిమానులు ధియేటర్లకి పోటెత్తారు. చాలామంది ఉద్యోగులు సైతం లీవ్‌ పెట్టి మరి సినిమా జాతరకి పయనమయ్యారు. ఇక ఏపీలోని అనంతపురం జిల్లాలో ఆసక్తికర పరిణామం చోటచేసుకుంది.
కంపెనీ కూడా సెలవు ఇవ్వడంతో అనంతపురం జిల్లా కొత్త చెరువులో సందీప్ సినిమా హాల్ లో కియా ఉద్యోగుల సందడి చేశారు. 400 మంది ఉద్యోగులు బాణసంచా కాల్చి మరీ సినిమా చూశారు. అభిమాన తారల సినిమాలు విడుదల రోజు ఆఫీసుల్లో హాజరు తక్కువగా ఉండటం సహజమే. అందుకే చాలా కంపెనీలు తమ ఉద్యోగులకు అలాంటి సూపర్ స్టార్ హీరోల సినిమాలు విడుదలవుతున్న సందర్భంలో హాలీడే ప్రకటిస్తూ ఉంటాయి. ఎక్కువగా రజనీకాంత్ సినిమాలకు ఇలాంటి సందర్భాలు ఎదురవుతూ ఉంటాయి.