మెగాస్టార్ చిరంజీవి ప్రధాన పాత్ర‌లో మెగా ప‌వ‌ర్‌స్టార్ రామ్‌చ‌ర‌ణ్ కీల‌క పాత్ర‌లో తెరకెక్కుతోన్న చిత్రం ‘ఆచార్య’. కొణిదెల ప్రొడక్షన్ కంపెనీ సమర్పణలో, మ్యాట్నీ ఎంట‌ర్‌టైన్‌మెంట్స్ ప‌తాకాల‌పై స్టార్ దర్శకుడు కొర‌టాల శివ ద‌ర్శ‌క‌త్వంలో నిరంజ‌న్ రెడ్డి ఈ సినిమాను నిర్మిస్తున్నారు. ప్రస్తుతం ఈ సినిమా పోస్ట్ ప్రొడక్షన్ కార్యక్రమాలు జరుపుకుంటుంది. ముందుగా ఫిబ్రవరి 4న ఈ సినిమాను రిలీజ్ చేయాలనుకున్నారు. కానీ ఏప్రిల్ 29కి వాయిదా వేశారు.
ఇక చిరంజీవి- రామ్‌చరణ్‌లను ఒకే ఫ్రేమ్‌లో చూడటానికి అభిమానులు ఎంతగానో ఎదురుచూస్తున్నారు. వీలిద్దరూ పక్కపక్కనిలబడితేనే అభిమానులకు పండగలా ఉంటుంది. అలాంటిది వీరిద్దరు కలిసి డ్యాన్స్‌ చేస్తే? ఆ మజా ఏ రేంజ్‌లో ఉంటుందో తాజాగా విడుదలైన ‘భలే భలే బంజారా.. సిరుత పులుల సిందాట’ గీతం చూపించింది. హనుమాన్ జయంతి సందర్భంగా ఈ సినిమాలో ‘భలే భలే బంజారా’ అనే సాంగ్ ను ఏప్రిల్ 18న విడుదల చేయబోతున్నామని తెలిపారు. కాసేపటి క్రితమే ఈ పూర్తి పాటను విడుదల చేశారు. దీనికి ప్రేక్షకుల నుంచి మంచి రెస్పాన్స్ వస్తుంది. పోటా పోటీగా స్టెప్పులు వేస్తూ తండ్రీ, కొడుకులిద్దరూ దుమ్ముదులిపేశారు.
ఈ పాటలో శేఖర్‌ మాస్టర్‌ తీర్చిదిద్దిన కూల్‌ స్టెప్పులు, కామ్రేడ్‌ లుక్కులు వావ్‌ అనిపించేలా ఉన్నాయి. చిరు-చరణ్ కాంబో అదిరిపోయింది. ఇక పాట రిలీజ్ అయినప్పటి నుంచి దీనికి సంబంధించిన స్టెప్పులు, ఫోటోలతో.. పోస్టులు, మీమ్స్‌ వేస్తూ సోషల్‌ మీడియాలో హడావిడి చేస్తున్నారు అభిమానులు. కాగా ఈ సినిమాలో చిరంజీవి సరసన కాజల్ అగర్వాల్.. రామ్ చరణ్ కి జోడీగా పూజా కనిపించనున్నారు.
https://twitter.com/KChiruTweets/status/1516017233654259712?ref_src=twsrc%5Etfw%7Ctwcamp%5Etweetembed%7Ctwterm%5E1516017233654259712%7Ctwgr%5E%7Ctwcon%5Es1_c10&ref_url=https%3A%2F%2Ftelugu.abplive.com%2Fentertainment%2Fbhale-bhale-banjara-full-song-out-from-acharya-movie-30068