Shankar: సినీ ప్రియులకు డైరెక్టర్ శంకర్ గురించి ప్రత్యేకించి పరిచయం అక్కర్లేదు. ఆయన కాంబినేషన్లో సినిమా చేయడానికి ఏ హీరో అయినా ఇష్టపడాల్సిందే. భారతీయుడు, జీన్స్, అపరిచితుడు, రోబో వంటి చిత్రాలు ఈయనకు ఒక ప్రత్యేక గుర్తింపు తెచ్చిపెట్టాయి. ప్రస్తుతం అగ్ర స్థాయి డైరెక్టర్లలో తాను ఒకడిగా ఓ వెలుగు వెలుగుతున్నాడు.
ఇదిలా ఉంటే శంకర్ తాజాగా తన ఫ్యామిలీలో మరో వ్యక్తిని సినీ రంగానికి హీరోగా పరిచయం చేయబోతున్నాడు అని తెలుస్తుంది. ఆ వ్యక్తి ఎవరో కాదు. స్వయంగా శంకర్ కొడుకు అయినటువంటి అర్జిత్. శంకర్ తన కొడుకును హీరోగా పరిచయం చేయడానికి ప్లాన్ చేశాడట. సినిమాకు కావాల్సిన ప్రతి ఒక్క దానిపై శంకర్ తన కొడుకుకు శిక్షణ చేపించాడట.
అన్ని శిక్షణలు ఇప్పించి ఇప్పుడు శంకర్ కొడుకును హీరో గా పరిచయం చేయడానికి సిద్ధమయ్యాడు. శంకర్ ఇదివరకూ రూపొందించిన ‘కాదల్’ సినిమాకు ఈ సినిమా సీక్వెల్ గా ఉంటుందని తెలుస్తుంది. కాదల్ సినిమాకు సీక్వెల్ గా శంకర్ తన కొడుకు అర్జిత్ తో సినిమా తీస్తున్నాడని ఇన్ సైడ్ టాక్ నడుస్తుంది.
శంకర్ డైరెక్షన్ లో.. అందులోనూ శంకర్ కొడుకుతో సినిమా చేస్తున్నాడు కాబట్టి వేరే స్థాయిలో ప్లాన్ చేసి ఉంటాడని ఇండస్ట్రీ వర్గాల్లో భారీ అంచనాలే ఉన్నాయి. ఇక ఈ స్టార్ డైరెక్టర్ తన తనయుడు సినిమాతో ప్రేక్షకులను ఎంతగా మెప్పిస్తాడో చూడాలి. ప్రస్తుతం శంకర్ పలు వరుస సినిమాలతో బిజీగా ఉన్నట్లు తెలుస్తోంది.