ఒక్క పాటతో ఫేమస్ అయిన స్ట్రీట్ సింగర్ భుజన్ బద్యాకర్. ప్రస్తుతం ఈయన పాడిన పాటలు సోషల్ మీడియాలో ఫుల్ వైరల్ అవుతున్నాయి. ఎంతలా అంటే టాలీవుడ్, బాలీవుడ్ అనే తేడా లేకుండా స్టార్ హీరోలు, హీరోయిన్లు అందరూ ఆయన పాడిని పాటను పాడుతున్నారు. వాటికి ఇన్స్టాగ్రామ్ రీల్స్ లో అయితే చిన్న సైజు స్టెప్పులు వేసి రీల్సు చేస్తున్నారు. అయితే ఈ ఓవర్ నైట్ స్టార్ రోడ్డు ప్రమాదానికి గురయ్యాడని సోషల్ మీడియా అంతా కోడైకూస్తుంది. ప్రస్తుతం ఎక్కడ పట్టిన ఈయనకు జరిగిన యాక్సిడెంట్ గురించిన వార్తలే వినిపిస్తున్నాయి. మీమ్స్ పేజీలు అయితే ఓ రేంజ్లో బద్యాకర్ గురించి పాజిటివ్ ట్రోల్స్ చేస్తున్నాయి.
కచ్చా బాదమ్ అనే ఒకే ఒక్క పాటుతో సోషల్ మీడియాలో సునామీ సృష్టిస్తున్నాడు ఈ పల్లీల వ్యాపారి భుబన్ బద్యాకర్. అయితే ఈ పాటు ఫేమస్ అయిన తరువాత ఆయనకు బాగా పేరు వచ్చింది. ఈయన పశ్చిమ బెంగాల్ రాష్ట్రంలోని బీర్భూమ్‌లో ఉంటాడు. అయితే ఫేమస్ అయిన తరువాత ఆయన తాను కొనుగోలు చేసిన మొదటి సెకండ్ హ్యాండ్ కారుపై డ్రైవింగ్ నేర్చుకుంటున్నాడు. అయితే ఈ సమయమంలో ఆయనకు ప్రమాదం జరిగింది అని అతని సన్నిహితులు చెప్తున్నారు. అయితే ప్రస్తుతం ఆయన ఆరోగ్యం బాగుందని అంటున్నారు. కేవలం ఒక్క ఛాతికి మాత్రమే గాయమైనట్లు చెప్తున్నారు. ప్రమాదం జరిగిన వెంటనే ఆయన్ను దగ్గరలోని ఆసుపత్రికి తరలించారు. వైద్యులు పరీక్షించి అంతా ఓకే అని చెప్పారని పేర్కొన్నారు.
కేవలం రోడ్డు మీద పల్లీలు అమ్ముకుంటూ ఫేమస్ అయిన వ్యక్తి బంగాల్లోని బద్యాకర్ నిలిచాడు. ఈయన పాటకు కోట్లలో వ్యూవ్స్ వచ్చాయి. అయితే ఈయన పాడిన పాట ఎంత త్వరగా ఫేమస్ అయ్యిందో అదే రేంజ్ లో ఈయన యాక్సిడెంట్ వార్త కూడా బయటకు వచ్చింది. ప్రస్తుతం ఇది సోషల్ మీడియాలో వైరల్ గా మారింది.