పాన్ ఇండియా చిత్రంగా పలు భాషల్లో రూపొందుతున్న సినిమా ఆర్ ఆర్ ఆర్. దర్శక ధీరుడు రాజమౌళి ఈ సినిమాకు ప్రాణం పోశాడు. ఈ చిత్రంలో ఎన్టీఆర్, రామ్ చరణ్ లు హారోలుగా అలియా భట్, వోలీవియా మొరిస్ హీరోయిన్లుగా నటించారు. అజయ్ దేవగన్, శ్రియ కూడా కీలక పాత్రలు పోషించారు. ఇకపోతే ఈ సినిమా సంక్రాంతి కానుకగా జనవరి 7న దేశవ్యాప్తంగా థియేటర్ లలో హడావిడి చేయాల్సింది.
సోషల్ మీడియా వేదికగా ట్విట్టర్ లో అందరికి సంక్రాంతి శుభాకాంక్షలు తెలుపుతూ త్వరలోనే ఈ భారీ సినిమాను మీ ముందుకు తీసుకువస్తామని ప్రామిస్ చేశారు. సోషల్ మీడియాలో వదిలిన ఈ పోస్టర్ క్షణాల్లో వైరల్ అయింది. ఈ పోస్టర్ లో ఎన్టీఆర్, రామ్ చరణ్ లు స్పెషల్ ఎట్రాక్టివ్ గా అనిపించారు. ప్రస్తుతం ఈ పోస్టర్ ను ఫ్యాన్స్ కనుల విందులా రిసీవ్ చేసుకుంటున్నారు.
ఈ పోస్టర్ ను చూసిన నెటిజన్లు వెయిటింగ్ అంటూ కామెంట్ ల వర్షం కురిపిస్తున్నారు. అంతా తాము అనుకున్న విధంగానే జరిగితే పరిస్థితులు కూడా చక్కబడితే ఏప్రిల్ మొదటి వారంలోనే రిలీజ్ చేయాలని రాజమౌళి ప్లాన్ చేస్తున్నట్టు ఇన్ సైడ్ టాక్ నడుస్తుంది.