టాలీవుడ్ యంగ్ అండ్ ఎనర్జిటిక్ హీరోల్లో ముందు వరుసలో ఉంటాడు కుర్ర హీరో రామ్. దేవ్ దాస్ సినిమతో హీరోగా పరిచయం అయిన రామ్.. హిట్లు ఫ్లాప్‌లతో సంబంధం లేకుండా సినిమాలు చేస్తూ దూసుకుపోతున్నాడు. చాలా కాలం తర్వాత ఇస్మార్ట్ శంకర్ సినిమాతో కిరాక్ హిట్ అందుకున్నాడు రామ్. రామ్ టాలీవుడ్ ప్రేక్షకులనే కాక బాలీవుడ్ ప్రేక్షకులనూ విశేషంగా ఆక్టటుకున్నాడు.
ఇప్పుడు టాలీవుడ్ సినిమాలను బాలీవుడ్ ప్రేక్షకులు ఆదరిస్తున్నారు. టాలీవుడ్ హీరోలకు ఉత్తరాది ప్రేక్షకుల్లో విపరీతమైన క్రేజ్ ఉంది. హిందీలో డబ్బింగ్ చేసిన తెలుగు సినిమాలకు విపరీతమైన వ్యూస్ వస్తున్నాయి. అందులో ‘ఉస్తాద్’ రామ్ పోతినేని సినిమాలు టాప్ ప్లేస్‌లో ఉన్నాయి. నేను శైలజా హిందీ డబ్బింగ్ సినిమా గతంలో యూట్యూబ్‌లో భారీ వ్యూస్ దక్కించుకుంది. హలో గురూ ప్రేమకోసమే సినిమా హిందీ డబ్బింగ్ వెర్షన్‌కి నార్త్ నుంచి భారీ రెస్పాన్స్ దక్కించుకుంది. ఈ సినిమా హిందీ డబ్బింగ్ వెర్షన్ 400 మిలియన్స్‌కి పైగా వ్యూస్ దక్కించుకోవడం విశేషం కాగా మొత్తంగా సౌత్‌లోనే హిందీ డబ్బింగ్ సినిమాలలో రామ్ సరికొత్త రికార్డులు క్రియేట్ చేశాడు.
యూట్యూబ్‌లో రామ్ పోతినేని సినిమాలు అన్నిటికీ కలిపి 2 బిలియన్ వ్యూస్ వచ్చాయి. సౌత్ ఇండియా హీరోల్లో ఆ ఘనత సాధించిన తొలి హీరోగా రామ్ రికార్డ్ సృష్టించారు. హిందీ ప్రేక్షకుల్లో రామ్ క్రేజ్, ఉత్తరాదిలో ఆయన మార్కెట్ సూపర్. ప్రస్తుతం రామ్.. ‘వారియర్‌’ అనే సినిమాలో నటిస్తున్నారు. ఈ పవర్‌ఫుల్‌ యాక్షన్‌ చిత్రానికి లింగుస్వామి దర్శకుడు. రామ్ సరసన కృతిశెట్టి సందడి చేయనుంది. మరోవైపు, దర్శకుడు బోయపాటి శ్రీనుతో ఓ పాన్‌ ఇండియా చిత్రం ప్రకటించారు రామ్. ఈ సినిమాతో బాలీవుడ్ ప్రేక్షకుల్ని నేరుగా పలకరించనున్నారు.