manishankar: డైరెక్టర్ వెంకట కృష్ణ దర్శకత్వంలో రూపొందుతున్న ‘మణిశంకర్’ సినిమా టీజర్ తాజాగా దర్శకుడు కళ్యాణ్ కృష్ణ చేతుల మీదగా విడుదల అయింది. ఇక ఈ సినిమాలో శివ కంఠమనేని, సంజనా గల్రాని, ప్రియా హెగ్డే, చాణక్య తదితరులకు కీలక పాత్రలో నటించారు. ఈ సినిమా డిఫరెంట్ యాక్షన్ ఎలిమెంట్స్ తో విడుదల కానుంది. ఈ సినిమాను కె ఎస్ శంకర్ రావు, ఆచార్య లైట్ హౌస్ సినీ క్రియేషన్స్ బ్యానర్ పై నిర్మిస్తున్నారు.
ఇక సంగీతాన్ని ఎం.ఎల్ రాజా అందిస్తున్నాడు. ఈ సందర్భంగా డైరెక్టర్ కళ్యాణ్ కృష్ణ కొన్ని విషయాలు పంచుకున్నాడు. ఈ సినిమా పోస్టర్స్, టీజర్ చూశాను అని.. ప్రస్తుతం సమాజంలో జరుగుతున్న సంఘటనల నేపథ్యంగా డైరెక్టర్ జీవీకే ఈ సినిమా రూపొందిస్తున్నట్లు తెలిపాడు. ఇక హీరో శివ కంఠమనేని పర్ఫామెన్స్ అద్భుతంగా ఉందని.. ఈ సినిమా మంచి సక్సెస్ సాధించి..
డైరెక్టర్ జీవీకే కు, హీరో శివ ల కెరీర్ కు హెల్ప్ అవ్వాలని కోరుకుంటున్నానని అంటూ ఈ సినీ బృందానికి ఆల్ ది బెస్ట్ తెలిపాడు. ఇక డైరెక్టర్ వెంకట కృష్ణన్ మాట్లాడుతూ.. కళ్యాణ్ కృష్ణ గారు మంచి పాజిటివ్ యాటిట్యూడ్ ఉన్న డైరెక్టర్ అని.. అందరికీ మంచి జరగాలని కోరుకునే మంచి మనసున్న వ్యక్తి లో ఆయన ఒకడని అన్నాడు. ఇక తమ సినిమా టీజర్ ఆయన చేతుల మీదుగా రిలీజ్ అవ్వడం చాలా సంతోషంగా ఉందని అన్నాడు.
ఈ సినిమా యాక్షన్ థ్రిల్లర్ అని మంచి కాన్సెప్ట్ తో ప్రేక్షకుల ముందుకు వస్తుందని.. అవుట్ పుట్ కూడా చాలా బాగుంటుందని అన్నాడు. హీరో శివ కంఠమనేని కూడా కొన్ని విషయాలు పంచుకున్నాడు. ఈ సినిమా కొన్ని పాత్రల చుట్టూ తిరిగే కథ అని.. ఎంటర్టైన్మెంట్ తో పాటు యాక్షన్, థ్రిల్లింగ్ అంశాలు ఉన్నాయని అన్నాడు.