Mahesh babu:-ప్రిన్స్ మహేష్.. ఈ పేరు సినీ ప్రపంచానికి ప్రత్యేకించి పరిచయం అక్కర్లేదు. ‘రాజకుమారుడు’ సినిమా ద్వారా హీరోగా అడుగుపెట్టిన మహేష్. ఆ పై పలు సినిమాల్లో నటించి తన ప్రత్యేక ఆటిట్యూడ్ తో ఎంతో మంది అభిమానులను సొంతం చేసుకున్నాడు. ఇక ప్రస్తుత టాలీవుడ్ అగ్ర స్థాయి స్టార్ హీరో లలో తాను ఒకడిగా ఓ వెలుగు వెలుగు వెలుగుతన్నాడు.
ఇదిలా ఉంటే మహేష్, డైరెక్టర్ శంకర్ కి క్షమాపణలు తెలిపినట్లు తెలిసింది. విషయానికి వస్తే.. నందమూరి బాలకృష్ణ హోస్ట్ గా చేస్తున్న ‘అన్‌స్టాపబుల్‌ విత్‌ ఎన్‌బీకే’ ఈ షో శుక్రవారంతో పూర్తిచేసుకుంది. ఈ షో ఓటీటీ లో ఓ రేంజ్ లో ఊపందుకుంది. ఈ షో లో ప్రిన్స్ మహేష్ బాబు, డైరెక్టర్ రమేష్ పాల్గొని బాగా బాగా హడావిడి చేశారు. ఈ క్రమంలోనే కొన్ని ఆసక్తికరమైన విషయాలను తెలియ జేశారు.
ఈ క్రమంలో ముంబైలో జరిగిన ఓ సంఘటనను తెలియజేశాడు. ఒకసారి ముంబై మారిటన్ హోటల్ లో వాళ్ళు టిఫిన్ చేసేటప్పుడు జరిగిన సంఘటన గుర్తు చేశాడు. దీని గురించి మహేష్ బాబు ఇలా చెప్పాడు ” ముంబైలో మారిటన్ హోటల్ లో మేము టిఫిన్ చేస్తుంటే ఇద్దరు అమ్మాయిలు వచ్చి సెల్ఫీ అడిగారు. ఇప్పుడు కాదు ఫ్యామిలీతో ఉన్నాను అని చెప్పాను
దాంతో ఆ అమ్మాయిల అక్కడి నుంచి వెళ్లిపోయారు. వెళ్లిన తర్వాత డైరెక్టర్ రమేష్ వాళ్లిద్దరూ శంకర్ గారి కూతుళ్లు అని చెప్పాడట. దాంతో మహేష్ పరిగెత్తుకొని కిందకి వెళ్లి సారీ సార్ మీ అమ్మాయిలు అని నాకు తెలియక అలా అన్నాను అని చెప్పుకొచ్చాడు.