పవర్ స్టార్ పవన్ కళ్యాణ్, రానా దగ్గుబాటి ప్రధాన పాత్రల్లో సాగర్ కె చంద్ర దర్శకత్వంలో రూపొందుతోన్న యాక్షన్ థ్రిల్లర్ ‘భీమ్లానాయక్’. మలయాళ సూపర్ హిట్ చిత్రం ‘అయ్యప్పనుమ్ కోషియుమ్’కిది అఫీషియల్ రీమేక్. త్రివిక్రమ్ స్క్రీన్‌ ప్లే డైలాగ్స్ అందిస్తుండగా.. తమన్ సంగీతం సమకూర్చుతున్నాడు. సితారా ఎంటర్ టైన్ మెంట్స్ బ్యానర్ పై సూర్య దేవరనాగవంశీ చిత్రాన్ని నిర్మిస్తున్నారు. ఈ సినిమాను ఈ నెల 25న ప్రపంచ వ్యాప్తంగా విడుదల చేయబోతున్నారు. ఇప్పటి వరకూ విడుదలైన ఈ సినిమా టీజర్స్, సింగిల్స్ కు విపరీతమైన రెస్పాన్స్ రావడంతో సినిమాపై భారీ అంచనాలు నెలకొన్నాయి.
ఇక ఈ సినిమాకి మరో అదనపు ఆకర్షణను జోడిస్తున్నట్టు తమన్ ట్విట్టర్ హ్యాండిల్ ద్వారా ప్రకటించాడు. ‘భీమ్లా నాయక్’ కోసం బాలీవుడ్ సింగర్‌ను రంగంలోకి దింపింది చిత్రబృందం. ఆయనెవరో కాదు పాపులర్ సింగర్ కైలాశ్ ఖేర్. తెలుగులో ‘భరత్ అనే నేను’ సినిమాలో ‘వచ్చాడయ్యో సామీ..’ లాంటి సూపర్ హిట్ సాంగ్ పాడిన కైలాశ్ ఖేర్ ‘ఉప్పెన’ సినిమాలోనూ తన గొంతు వినిపించారు. ఇప్పుడు ఆయన పవన్ కళ్యాణ్ కోసం ఓ పాట పాడబోతున్నారు. టాలీవుడ్ టాల్ హీరో రానా దగ్గుబాటుతో కలిసి పవర్ స్టార్ నటిస్తున్న క్రేజీ మల్టీస్టారర్ ‘భీమ్లా నాయక్’ ప్రస్తుతం పాట షూటింగ్ జరుగుతోంది. ఇప్పటికే ఈ సినిమా నుంచి వచ్చిన టీజర్లతో పాటుగా లిరికల్ సాంగ్స్‌కు అదిరిపోయే రెస్పాన్ వచ్చిన సంగతి తెలిసిందే.
తను, రామజోగయ్య శాస్త్రి, త్రివిక్రమ్, కైలాష్ ఖేర్ దిగిన ఫోటోను షేర్ చేశాడు తమన్. ‘‘ డియర్ డైరెక్టర్ త్రివిక్రమ్, సోల్ ఫుల్ పాటలకు కేరాఫ్ అడ్రస్ అయిన రామజోగయ్య, కైలాష్ ఖేర్ కలిసి మాయాజాలం చేయబోతున్నారు. భీమ్లా నాయక్ సినిమాకు ఇది సరికొత్త ఎట్రాక్షన్‌గా నిలవనుంది’’ అని థమన్ ట్వీట్‌లో పేర్కొన్నారు. దీంతో ఈ పాట ఎలా ఉండబోతుందో అని అభిమానులంతా ఎంతో ఆతృతగా ఎదురుచూస్తున్నారు.