ఏ దుకాణం ముందైనా ఏ పండ్లనై అమ్ముకునే స్థాయిలో ఏర్పాటు చేసుకుంటారు. మహా అయితే 500 నుండి 1000 కాయలు ఇంకా అయితే ఓ వంద కాయలు అదనంగా పెట్టి విక్రయిస్తారు. కానీ అమెరికాలో ఓ దుకాణం ముందు ఏకంగా 71,000 పౌండ్ల (లేదా 31,751 కేజీ)ల అరటిపండ్లను ఏర్పాటు చేశారు. ఈ సందర్శన ఒక రోజులో కూడా పూర్తికాలేదు. ఇది గిన్నిస్ బుక్ లో ప్రపంచ రికార్డును బద్దలు కొట్టింది.
ఫ్రెష్ డెల్ మోంటే తాజా ఉత్పత్తి సంస్థ చికాగోలో తమ స్థానిక సూపర్ మార్కెట్ చైన్ జ్యువెల్-ఓస్కోతో కలిసి గిన్నిస్ వరల్డ్ రికార్డ్ సృష్టించడానికి వెస్ట్మాంట్ సబర్బ్లోని తన స్టోర్లలో ప్రపంచంలోనే అతిపెద్ద ఫ్రూట్ స్టాండ్ను ఏర్పాటు చేసింది. అయితే ఈ ప్రదర్శనను తిలకించడానికి కంపెనీ ప్రతినిధులకు సుమారు మూడు రోజులు పట్టింది. అంతేకాదు గత చరిత్రను తిరగరాసింది. ఇదే రీతిలో 2016లో ఒకే చోట 18,805.83 కిలోల పండ్లను సేకరించారు. కాన్ఫెడెరాకావో డి అగ్రికల్చర్ ఇ పెక్యూరియా డో బ్రసిల్ ద్వారా అప్పట్లో ప్రపంచ రికార్డును బద్దలు కొట్టింది.
అయితే తాజాగా ఏర్పాటు చేసిన ఈ 71 వేల అరటి పండ్ల ప్రదర్శన వెనక్కి నెట్టింది. దీన్ని గిన్నిస్ బుక్ అధికారిక న్యాయ నిర్ణేత సూపర్ మార్కెట్ను సందర్శించి కొత్త ప్రపంచ రికార్డుగా ధృవీకరించారు. రికార్డ్-బ్రేకింగ్ డిస్ప్లే నుండి కొన్ని అరటిపండ్లు జ్యువెల్-ఓస్కోలో కస్టమర్లకు ఈ అరటి పండ్లు ఇవ్వబడతాయని నిర్వాహకులు తెలిపారు. మిగిలినవి నార్తర్న్ ఇల్లినాయిస్ ఫుడ్ బ్యాంక్కి విరాళంగా ఇవ్వబడతాయని పేర్కొన్నారు.