Actress Hema: నటి హేమ అంటే తెలియని తెలుగువారు ఉండరు. క్యారెక్టర్ ఆర్టిస్ట్ గా ఎన్నో మంచి సినిమాల్లో నటించి ప్రేక్షకులలో మంచి గుర్తింపు తెచ్చుకుంది. ఇక ఆ మధ్య విడుదలైన ‘వినయ విధేయ రామ’ సినిమాలో ఆమె రోల్ కు మంచి డిమాండ్ లభించింది. ఇక సోషల్ మీడియాలో బాగా యాక్టీవ్ గా కనిపిస్తుంది.
ఇక తాజగా హేమ ఒక ఇంటర్వ్యూ లో పాల్గొని తన కెరీర్ లో ఎదుర్కొన్న చేదు అనుభవాలను తెలిపింది. సాధారణంగా సినీ ఇండస్ట్రీ అంటే జనాలకు చిన్నచూపే ఉంటుందని.. తెర ముందు అలా కనిపిస్తారు కానీ.. తెరవెనుక యాక్టర్ల కష్టం ఎవరికీ తెలియదు అని తెలిపింది. తన జీవితంలో ఎన్నో కష్టాలు ఎదుర్కొని తన తల్లి సహాయంతో ఈ రోజు ఈ స్థాయిలో ఉన్నాను అని తెలిపింది.
ఇప్పుడంటే ఈ కారవ్యాన్స్ వచ్చాయి. అప్పట్లో షూటింగ్ సమయంలో ఎలాంటి వసతులు ఉండేవి కావని తెలిపింది. షూటింగ్ సమయంలో బట్టలు మార్చుకోవడానికి ఎలాంటి ప్లేస్ ఉండేది కాదని.. అంతేకాకుండా కనీసం టాయిలెట్స్ కూడా అందుబాటులో ఉండేవి కావని హేమ తెలిపింది.
ఆమె జనరేషన్ కంటే అంతకుముందు జనరేషన్ వాళ్ళు ఇలాంటి విషయంలో మరింత ఇబ్బందులు ఎదుర్కొన్నారని చెప్పకు వచ్చింది. ఇక హేమ సినీ రంగంలోనే కాకుండా రాజకీయంగా కూడా ఒక అడుగు ముందే ఉంది. గతంలో వైఎస్సార్ కాంగ్రెస్ పార్టీలో చేరిన హేమ ప్రస్తుతం భారతీయ జనతా పార్టీలో చేరింది.