తెలుగు సినిమా ఇండస్ట్రీలో ఎన్నో కుటుంబ కథా చిత్రాల్లో నటించి ఎంతో ఫ్యామిలీ ఆడియన్స్ ని సంపాదించుకున్న వెంకటేష్ గురించి ప్రత్యేకంగా చెప్పాల్సిన పనిలేదు. ఇప్పటికీ వరుస సినిమాలతో ఎంతో బిజీగా ఉన్నట్టువంటి వెంకటేష్ నేడు పుట్టిన రోజు జరుపుకుంటున్నారు. ఈ క్రమంలోనే ఎంతోమంది ఈయనకు పుట్టినరోజు శుభాకాంక్షలు తెలియజేశారు. ఇదిలా ఉండగా వెంకటేష్ పుట్టినరోజు సందర్భంగా ఆయన తన కెరీర్లో వదులుకున్న పది సినిమాలలో 4 బ్లాక్ బస్టర్ చిత్రాలను వదులుకున్నారు. మరి ఆ సినిమాలు ఏమిటి అనే విషయానికి వస్తే…
శంకర్ దర్శకత్వంలో అర్జున్ హీరోగా తెరకెక్కిన ఒకే ఒక్కడు సినిమా గురించి ప్రత్యేకంగా చెప్పాల్సిన పనిలేదు.ఈ సినిమా బాక్సాఫీస్ వద్ద ఎలాంటి విజయాన్ని అందుకుందో అందరికీ తెలిసిందే అయితే ఈ సినిమాలో నటించే అవకాశం ముందుగా వెంకటేష్ కి వచ్చింది.అయితే అప్పుడు వెంకటేష్ కలిసుందాం రా సినిమా షూటింగ్ తో బిజీగా ఉండటంవల్ల ఈ సినిమాకి నో చెప్పారు.
ఇక ఎన్నో కుటుంబ కథా చిత్రాలలో నటించి మంచి గుర్తింపు సంపాదించుకున్న వెంకటేష్ దశరథ్ మరొక ఫ్యామిలీ కథతో ఆయన ముందుకు వెళ్లారు. కథ విన్న వెంకటేష్ ఇలాంటి తరహా చిత్రాలలో తాను నటించానని ఈ సినిమాకి నో చెప్పడంతో ఈ సినిమా నాగార్జున దగ్గరకు వెళ్ళింది. అలా సంతోషం సినిమాలో నటించే అవకాశాన్ని కూడా వెంకటేష్ వదులుకున్నారు.
తాజాగా గోపీచంద్ మలినేని దర్శకత్వంలో తెరకెక్కిన క్రాక్ సినిమాలోముందుగా హీరో వెంకటేష్ అని భావించారు. అయితే పలు కారణాల వల్ల ఈ సినిమాకి వెంకటేష్ నో చెప్పడంతో అతని స్థానంలో రవితేజ ఎంట్రీ ఇచ్చారు. ఈ సినిమాతో రవితేజ బ్లాక్ బస్టర్ విజయాన్ని అందుకున్నారు.