Bigg Boss Telegu Ott: బుల్లితెరపై ప్రసారమైన బిగ్ బాస్ షో ప్రేక్షకులలో మంచి ఆదరణ పొందింది. బుల్లితెరపై షోలన్నీ ఒక ఎత్తు అయితే బిగ్ బాస్ రియాలిటీ షో మరోక ఎత్తు అని చెప్పవచ్చు. ఇక ఆరు నెలలకోసారి హడావిడి చేసే ఈ షో కొన్నాళ్లుగా స్మాల్ స్క్రీన్ ప్రేక్షకులను బాగా ఆకట్టుకుంటుంది. బుల్లితెర ప్రేక్షకుల్లో ఈ షో ఎండ్ అవ్వకుండా ఉంటే బావుండని అనుకునేవారు చాలా మంది ఉన్నారు.
గత సంవత్సరం అయిదవ సీజన్ ముగిసింది. ఆ తర్వాత మరో సీజన్ కోసం ఆరు నెలలు ఆగాల్సిందే అని ప్రేక్షకులు అనుకున్నారు. కానీ విషయం గురించి హోస్ట్ నాగార్జున స్టేజ్ మీద తియ్యని అప్ డేట్ ఇచ్చాడు. బిగ్ బాస్ త్వరలో ఓటీటీ ద్వారా ప్రేక్షకుల ముందుకు రాబోతుందని తెలియజేశాడు.
ఈ ఓటీటీ షో కూడా నాగార్జుననే స్వయంగా హోస్ట్ గా బాధ్యతలు చేపడతానని తెలిపాడు. ఫిబ్రవరి చివరిలో డిస్నీ ప్లస్ హాట్‌స్టార్‌లో బిగ్ బాస్ షో స్ట్రీమింగ్‌ జరుగుతుందని తెలుస్తుంది. అంతేకాకుండా ఈ షో ను మాజీ కంటెస్టెంట్ లతో స్టార్ట్ చేస్తున్నారు అనే వార్తలు చక్కర్లు కొడుతున్నాయి.
వారిలో అరియానా గ్లోరి కూడా ఉందనే వార్తలు వినిపిస్తున్నాయి. ఈమెతో పాటు లిస్టులో తనీష్, అఖిల్, అలీ రెజా, హరితేజ పలు పేర్లు తెలుస్తున్నాయి. ఇక వీరితో పాటు కొత్త కంటెస్టెంట్ లు యాంకర్ శివ, యాంకర్ వర్షిణి, టిక్ టాక్ ఫేమ్ దుర్గారావు, వైష్ణవి చైతన్య, యాంకర్ ప్రత్యూష మరి కొన్ని పేర్లు వినిపిస్తున్నాయి.