‘అఖండ’ సినిమాతో మాస్ ప్రేక్షకులను ఉర్రూతలూగించిన నట సింహం నందమూరి బాలకృష్ణ..మరో మాస్ జాతరకు రెడీ అయ్యారు. బాలయ్య హీరోగా గోపిచంద్‌ మలినేని డైరెక్షన్‌లో ఓ యాక్షన్ థ్రిల్లర్‌ మూవీ తెరకెక్కుతోన్న సంగతి తెలిసిందే. ‘ఎన్బీకే 107’ వర్కింగ్ టైటిల్తో ఇప్పటికే పూజా కార్యక్రమాలు పూర్తి చేసుకున్న ఈ మూవీ తెలంగాణలోని సిరిసిల్లలో షూటింగ్ జరుపుకుంటుంది. ఈ షెడ్యూల్‌లో భారీ యాక్షన్ సీక్వెన్స్‌లను చిత్రీకరిస్తున్నారు.
ఇదిలా ఉండగా.. తాజాగా ఈ సినిమా నుంచి బాలయ్య ఫస్ట్ లుక్‌ని సోషల్ మీడియా వేదికగా విడుదల చేశారు. ఈ ఫొటో బాలకృష్ణ అభిమానుల్లో రెట్టింపు ఉత్సాహాన్ని నింపింది. ఇందులో బాలయ్య లుంగీ ధరించి, కళ్లజోడు పెట్టుకుని స్టైలిష్‌గా కనిపించారు. ఈ టెరిఫిక్ లుక్ ఇప్పుడు సోషల్ మీడియాలో వైరల్ అవుతోంది. రెండు రోజుల క్రితం ఇదే డ్రెస్‌లో ఉన్న బాలయ్య లుక్ ఒకటి లీకైంది. అందుకే దర్శకనిర్మాతలు ఇంత త్వరగా ఫస్ట్ లుక్ రిలీజ్ చేశారని సమాచారం.
https://twitter.com/megopichand/status/1495714037128392705?ref_src=twsrc%5Etfw%7Ctwcamp%5Etweetembed%7Ctwterm%5E1495714037128392705%7Ctwgr%5E%7Ctwcon%5Es1_c10&ref_url=https%3A%2F%2Ftelugu.samayam.com%2Ftv%2Fbigg-boss-telugu%2Fkamal-haasan-out-from-bigg-boss-ultimate-show%2Farticleshow%2F89708234.cms
ఈ సినిమాలో బాలయ్య పోలీస్ ఆఫీసర్‌గా, ఫ్యాక్షనిస్ట్‌ గా రెండు విభిన్న పాత్రల్లో కనిపించనున్నారని సమాచారం. శృతిహాసన్ హీరోయిన్‌గా నటిస్తున్న ఈ సినిమాలో వరలక్ష్మీ శరత్ కుమార్ కీలకపాత్ర పోషిస్తుంది. మైత్రి మూవీ మేకర్స్ బ్యానర్ పై భారీ బడ్జెట్ తో ఈ సినిమాను నిర్మిస్తున్నారు. తమన్‌ సంగీతం అందిస్తున్నారు. అయితే ఈ చిత్రం వేటపాలెంలో జరిగిన ఒక సంఘటన ఆధారంగా తెరకెక్కుతున్నట్లు వార్తలు వినిపిస్తున్నాయి. అలాగే ఈ మూవీ కన్నడ హీరో శివరాజ్ కుమార్ నటించిన మఫ్టీ చిత్రానికి రీమెక్ అని కూడా పుకార్లు వినిపిస్తున్నాయి.