బుల్లితెరపై ప్రసారమైన బిగ్ బాస్ సీజన్ 2 లో పాల్గొని మరింత పరిచయాలు పెంచుకున్నాడు బాబు గోగినేని. బిగ్ బాస్ ముందు ఈయన పరిచయం అంతగా ఎవరికి తెలియదు. కానీ ఈ షో తర్వాత బాగా హైలెట్ గా మారాడు. అతను చేసిన వ్యాఖ్యల పట్ల ఎన్నో విమర్శలు ఎదుర్కొన్నాడు. సోషల్ మీడియాలో యాక్టివ్గా ఉంటూ బాగా కాంట్రవర్సీలు చేస్తూ ఉంటాడు.
ఈయన ఎక్కువగా టీవీ డిబేట్స్ లో కనిపిస్తూ ఉంటాడు. ఈయనకు సినీ ఇండస్ట్రీ పరిచయం లేకున్నా కూడా సినీ ఇండస్ట్రీకి చెందిన ప్రముఖులను దృష్టిలో పెట్టుకొని బాగా కాంట్రవర్సీ లు చేస్తూ ఉంటాడు. తాజాగా సోషల్ మీడియా వేదికగా మరో సెటైరికల్ పోస్ట్ చేశాడు.
ప్రస్తుతం టిక్కెట్ల రేట్లపై జరుగుతున్న రచ్చ అందరికీ తెలిసిందే. ఇక ఈ విషయం గురించి వర్మ కూడా ఘాటుగా స్పందించిన సంగతి తెలిసిందే. దీంతో బాబు గోగినేని.. ఆర్జీవి, ఏపీ ప్రభుత్వం, టికెట్ అంశం, మంచు విష్ణు, మోహన్ బాబు, కమెడియన్ పృథ్వి ఇలా అందర్నీ దృష్టిలో పెట్టుకొని కామెంట్లు చేశాడు.
ఇక ఆయన చేసిన కామెంట్ ఏమిటంటే.. ఎలక్షన్లప్పుడు స్పాన్సర్డ్ మిమిక్రీ సినిమాలు తీసిన వాళ్లను.. ఆ మిమిక్రీ సినిమాల్లో సంబరంగా యాక్టింగ్ చేసిన జర్నలిస్టులను, పదవులు ఆశించి కాంపైనింగ్ చేసిన పిరికి హీరోలను, సీఎం నా బావ అని గొప్పలు చెప్పుకున్న పహాకాలను, లెజెండర్ పెదరాయుడులను, వెనకనుండి వచ్చి పట్టుకొని మరి సపోర్ట్ చేసిన ఎకిలి కమెడియన్ లను,
వీళ్లందరి కంటే ఎన్నికలకు ఫైనాన్సింగ్ ఇచ్చి రొమ్ము మీద గుద్దిచ్చుకున్న ప్రొడ్యూసర్ లను, ఈ అందర్నీ క్యారెక్టర్లు గా వాడుకొని ఒక మంచి ట్రాజిక్ కామెడీ సినిమా తీయొచ్చు. కోవిడ్ కు భయపడకుండా ఆ సినిమాను సరసమైన ధరకు థియేటర్లలో రిలీజ్ చేయాలి అని.. ప్రతి ఒక్కరికి వోడ్కా తాగుతూ సినిమా చూసే అవకాశం ఇవ్వాలని నా డిమాండ్.
ప్రభుత్వానికి తనకు అర్ధం కాని సినిమా వ్యాపారంతో ఏమి సంబంధం అంటారా? అదే! అదే! తమకు అర్థం కాని రాజకీయ వ్యాపారం లో మనోళ్ళు దూరలా? అందుకోండి మీ తెలివికి నందులు, పందులు, లెజెండ్ బిరుదులు అని పోస్ట్ చేశాడు. ప్రస్తుతం ఈ పోస్ట్ నెట్టింట్లో వైరల్ గా మారింది.