Honey: తేనెలో అనేక ఔషధ గుణాలు ఉన్నాయి. ఇది ప్రకృతి ప్రసాధించిన ఒక గొప్ప వరం. దీనిని తీసుకుంటే రోగ నిరోధక శక్తి పెరగడంతో పాటు అనేక వ్యాధులకు దూరంగా ఉండవచ్చు. తేనెను తీసుకుంటే ఆరోగ్యానికి కలిగే ప్రయోజనాలు అనేకం. మరి ఇప్పుడు మనం తేనెతో కలిగే అద్భుతమైన ఆరోగ్య ప్రయోజనాల గురించి తెలుసుకుందాం..
నిద్రలేమి సమస్యలు తగ్గుతాయి: నిద్రకు ముందు తేనెను తీసుకుంటే శరీరంలో ఇన్సులిన్ స్థాయిలు మెరుగుపడి మెదడులో ట్రిప్టోపాన్ అనే హార్మోను విడుదల అవుతుంది. ఇది నెమ్మదిగా సెరోటోనిన్ గా మార్చి మంచి నిద్రను ఇస్తుంది. దీంతో నిద్రలేమి సమస్యలు తగ్గుతాయి.
కాలేయం పనితీరును మెరుగుపరుస్తుంది: తేనెను తీసుకుంటే గ్లూకోజ్ విడుదలకు సహాయపడుతుంది. అలాగే ఈ గ్లూకోజ్ కొవ్వు కరిగించే హార్మోన్ల విడుదలకు సహాయపడుతుంది. తేనెలో వుండే ప్రక్టోస్, గ్లూకోజ్ కాలేయం పనితీరును మెరుగుపరుస్తుంది.
దగ్గు నుంచి ఉపశమనం కలుగుతుంది: రాత్రి నిద్రించే ముందు తేనెను తీసుకుంటే దగ్గు నుంచి ఉపశమనం పొందవచ్చు. తేనెలో యాంటీ ఫంగల్ లక్షణాలు మెండుగా ఉంటాయి. ఇవి దీర్ఘకాలిక దగ్గును తగ్గించి మంచి నిద్ర వచ్చేలా సహాయపడతాయి.
బ్యాక్టీరియాను చంపుతుంది: పాలలో తేనె కలుపుకుని సేవిస్తే శరీరంలోని హానికరమైన టాక్సిన్స్ ను బయటకు పంపించి జీర్ణక్రియ సాఫీగా సాగేలా సహాయపడుతుంది. అలాగే శరీరంలోని హానికరమైన బ్యాక్టీరియాను చంపుతుంది.
చర్మ నిగారింపును పెంచుతుంది: దీనిలో యాంటీ ఫంగల్, యాంటీ ఏజింగ్ లక్షణాలు పుష్కలంగా ఉంటాయి. ఇవి చర్మసౌందర్యానికి సహాయపడతాయి. చర్మ కణాలలోని మృత కణాలను నశింపచేసే చర్మానికి మంచి నిగారింపును అందిస్తుంది.
మధుమేహాన్ని నియంత్రణలో ఉంచుతుంది: తేనెలో ఉండే ఔషధ గుణాలు రక్తంలో చక్కెర స్థాయిలను కలవడాన్ని నెమ్మదిపరుస్తాయి. కనుక మధుమేహం నియంత్రణలో ఉంటుంది. దీంతో శరీరానికి మధుమేహ ప్రమాద తీవ్రత తగ్గుతుంది.