పవర్ స్టార్ పవన్ కళ్యాణ్ నటించిన ‘భీమ్లా నాయక్’ సినిమా ఇటీవల రిలీజ్ అయ్యి బాక్సాఫీస్ వద్ద బ్లాక్‌బస్టర్ విజయాన్ని అందుకుంది. ఈ సినిమాలో పవన్ కళ్యాణ్ మరోసారి పవర్‌ఫుల్ పోలీస్ ఆఫీసర్ పాత్రలో మనకు కనిపించాడు. కాగా ఈ సినిమాలో యంగ్ హీరో రానా దగ్గుబాటి పవన్‌ను ఢీకొనే పాత్రలో నటించి ప్రేక్షకులను తన నటనతో ఆకట్టుకున్నాడు. మలయాళీ సూపర్ హిట్ మూవీ అయ్యప్పన్ కోషియం చిత్రాన్ని త్రివిక్రమ్ తెలుగు నేటివిటీకి తగ్గట్లుగా.. పవన్ కళ్యాణ్ క్రేజ్‌కి అనుగుణంగా మార్చారు.
థియేట్రికల్ రన్ ముగియగానే ఈ చిత్రాన్ని ఓటిటిలో రిలీజ్ చేశారు. నేటి నుంచే భీమ్లా నాయక్ చిత్ర ఓటిటి స్ట్రీమింగ్ మొదలయింది. ఆహా, డిస్ని ప్లస్ హాట్ స్టార్‌లో ప్రస్తుతం భీమ్లా నాయక్ చిత్రం స్ట్రీమ్ అవుతోంది. మెుదట భీమ్లానాయక్‌ సినిమాని మార్చి 25న ఓటీటీలో విడుదల చేస్తామని ప్రకటించినప్పటికీ.. ఒకరోజు ముందుగానే వచ్చి దుమ్ముదులుపుతోంది. ఈ సందర్భంగా ఐకాన్ స్టార్ అల్లు అర్జున్ భీమ్లా నాయక్‌పై ఇంస్టాగ్రామ్ పోస్ట్ పెట్టారు.
“నేను కొంచెం లేట్ అయ్యాను. అయితే… పవన్ కల్యాణ్ గారు, రానా దగ్గుబాటి, త్రివిక్రమ్ గారు, దర్శకుడు సాగర్ చంద్ర, సంగీత దర్శకుడు ఎస్.ఎస్. తమన్, నిర్మాత నాగవంశీ, ఇతర చిత్రబృందానికి బిగ్ కంగ్రాచ్యులేషన్స్. ‘భీమ్లా నాయక్’ భారీ బ్లాక్ బస్టర్ సాధించింది” అని అల్లు అర్జున్ ఇన్‌స్టాగ్రామ్ స్టోరీలో అల్లు అర్జున్ పోస్ట్ చేశారు. ఆహాలో హయ్యస్ట్ క్వాలిటీలో సినిమాను ఎంజాయ్ చేయమని చెప్పారు. ‘ఆహా’ ఓటీటీ బృందానికి కూడా అల్లు అర్జున్ కంగ్రాట్స్ చెప్పారు. ఓటీటీ స్టార్ట్ చేసిన రెండేళ్లలో 4కె వీడియో, డాల్బీ 5.1 ఆడియో స్టార్ట్ చేసిందనీ… అదీ ‘భీమ్లా నాయక్’తో స్టార్ట్ అయ్యిందని అల్లు అర్జున్ పేర్కొన్నారు.