రాష్ట్రవ్యాప్తంగా జరుగుతున్న “జన్మభూమి – మా ఊరు” కార్యక్రమంలో భాగంగా శ్రీ పొట్టి శ్రీరాములు నెల్లూరు జిల్లాలో జనవరి 10 న రాష్ట్ర ముఖ్యమంత్రి నారా చంద్రబాబు నాయుడు పర్యటించనున్నారు. గూడూరు నియోజకవర్గం చెన్నూరులో జన్మభూమి కార్యక్రమంలో ముఖ్యమంత్రి పాల్గోనున్నట్లు రాష్ట్ర ప్రభుత్వ ప్రధాన కార్యదర్శి పర్యటన వివరాలను విడుదల చేశారు. జనవరి 10 ఉదయం గన్నవరం నుండి విమానంలో చెన్నై కు చేరుకొని అక్కడే 11 గంటలకు ఇండియా టుడే పత్రిక నిర్వహించనున్న ఓ కార్యక్రమంలో పాల్గొంటారు. మధ్యాహ్నం చెన్నై నుండి హెలికాప్టర్ లో బయలుదేరి 2 గంటల నుండి 5 గంటల వరకు చెన్నూరు లో కార్యక్రమాల్లో పాల్గొంటారు. అనంతరం 5 గంటలకు హెలికాప్టర్ లో చెన్నై కి బయలుదేరి అక్కడి నుండి విమానంలో గన్నవరం చేరుకుంటారు. ముఖ్యమంత్రి పర్యటన నిమిత్తం జిల్లా యంత్రాంగం యావత్తు అప్రమత్తమయింది. కలెక్టర్ ముత్యాలరాజు, ఎస్పీ విశాల్ గున్ని చెన్నూరులో ఏర్పాట్లను పర్యవేక్షిస్తున్నారు.