కావలి నియోజకవర్గ పర్యటనలో మంత్రి నారాయణకు ప్రజలు చిల్లరకు సంబంధించి ఎదుర్కొంటున్న సమస్య ప్రత్యక్షంగా తెలియవచ్చింది. బోగోలు బజారులో చిరు వ్యాపారులతో ముచ్చటించి టీ కొట్టు లో టీ త్రాగి పెద్ద నోట్లు ఇవ్వబోగా ‘చిల్లర ఎక్కడుంది సారూ… మాక్కొంచెం చిల్లర వచ్చే ఏర్పాట్లు చేయండి. బ్యాంకుల్లో కూడా డబ్బులు ఉండట్లేదు. మాకు వ్యాపారాలు దెబ్బతింటున్నాయి.” అని బాధను వ్యక్తపరిచారు. స్పందించిన మంత్రి దేశ భవిష్యత్తు కోసం ప్రధాని మోడీ తీసుకున్న నిర్ణయం అమలులో కొన్ని సమస్యలు రావడం మామూలేనని, కొద్దిరోజుల్లో అన్నీ సర్దుకుంటాయని, అందరికీ బంగారు భవిష్యత్తు ఉంటుందని తెలిపారు. ఈ కార్యక్రమంలో మంత్రితో పాటు మాజీ ఎమ్మెల్యే బీద మస్తాన్ రావు కూడా పాల్గొన్నారు.